ಜೀವನಪರ್ಯಂತ ನಾನಿದನ್ನು ಮರೆಯಲ್ಲ: ರಿಷಬ್ ಪಂತ್

ಮ್ಯಾಂಚೆಸ್ಟರ್: ಇಂಗ್ಲೆಂಡ್ ವಿರುದ್ಧ ಮೂರನೇ ಏಕದಿನ ಪಂದ್ಯದಲ್ಲಿ ಶತಕ ಸಿಡಿಸಿ ಪಂದ್ಯ ಗೆಲ್ಲಿಸಿದ್ದಲ್ಲದೆ ಸರಣಿ ವಶಪಡಿಸಿಕೊಳ್ಳಲು ಪ್ರಮುಖ ಪಾತ್ರವಹಿಸಿದ ಟೀಂ ಇಂಡಿಯಾ ಬ್ಯಾಟಿಗ ರಿಷಬ್ ಪಂತ್ ಈ ಇನಿಂಗ್ಸ್ ಜೀವನ ಪರ್ಯಂತ ಮರೆಯಲ್ಲ ಎಂದಿದ್ದಾರೆ.

ಶತಕ ಗಳಿಸುವುದು ಮುಖ್ಯವಲ್ಲ. ಆ ಶತಕ ತಂಡಕ್ಕೆ ಎಷ್ಟು ಸಹಾಯಕವಾಗಿದೆ ಎಂಬುದು ಮುಖ್ಯ. ನಿನ್ನೆಯ ಪಂದ್ಯದಲ್ಲಿ ರಿಷಬ್ ಸಿಡಿಸಿದ ಶತಕ ವೈಯಕ್ತಿಕವಾಗಿಯೂ, ತಂಡದ ದೃಷ್ಟಿಯಿಂದಲೂ ಉಪಯುಕ್ತ ಇನಿಂಗ್ಸ್ ಆಗಿತ್ತು.

ಹೀಗಾಗಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ರಿಷಬ್ ‘ಈ ಇನಿಂಗ್ಸ್ ನ್ನು ಜೀವನಪರ್ಯಂತ ಮರೆಯಲ್ಲ. ನಾನು ಪ್ರತೀ ಬಾಲ್ ನ ಬಗ್ಗೆ ಗಮನಕೇಂದ್ರೀಕರಿಸಿದ್ದೆ. ತಂಡ ಸಂಕಷ್ಟದಲ್ಲಿದ್ದಾಗ ನೀವು ಹಾಗೇ ಯೋಚಿಸಬೇಕಾಗುತ್ತದೆ. ಇಂಗ್ಲೆಂಡ್ ನಲ್ಲಿ ಆಡುವುದನ್ನು ಯಾವತ್ತೂ ಎಂಜಾಯ್ ಮಾಡುತ್ತೇವೆ. ಹೆಚ್ಚು ಆಡಿದಷ್ಟು ಹೆಚ್ಚು ಅನುಭವವಾಗುತ್ತದೆ’ ಎಂದು ರಿಷಬ್ ಹೇಳಿದ್ದಾರೆ.