ಮೆಲ್ಬೋರ್ನ್: ಎಲ್ಲಾ ಸರಿ ಹೋಗಿದ್ದರೆ ದ್ವಿತೀಯ ಟೆಸ್ಟ್ ನಲ್ಲಿ ವಿರಾಟ್ ಕೊಹ್ಲಿ ಬದಲಿಗೆ ಕೆಎಲ್ ರಾಹುಲ್ ಆಡಬೇಕಿತ್ತು. ಆದರೆ ಕೊನೆಯ ಕ್ಷಣದಲ್ಲಿ ರಾಹುಲ್ ಗೆ ಸ್ಥಾನ ತಪ್ಪಿಸಿದ್ದು ಕೋಚ್ ರವಿಶಾಸ್ತ್ರಿ!
ಇದಕ್ಕೆ ಕಾರಣವೂ ಇಲ್ಲದಿಲ್ಲ. ಆಗಲೇ ಮೊದಲ ಟೆಸ್ಟ್ ನಲ್ಲಿ ಭಾರತಕ್ಕೆ ಆಲ್ ರೌಂಡರ್ ಒಬ್ಬರ ಕೊರತೆ ಕಾಡುತ್ತಿತ್ತು. ಹೀಗಾಗಿ ಕೊನೆಯ ಕ್ಷಣದಲ್ಲಿ ರವಿಶಾಸ್ತ್ರಿ ಆಡುವ ಬಳಗದಲ್ಲಿ ರಾಹುಲ್ ಬದಲು ರವೀಂದ್ರ ಜಡೇಜಾರಿಗೆ ಸ್ಥಾನ ಕೊಟ್ಟರು. ಇದಕ್ಕೆ ತಕ್ಕದಾಗಿ ಜಡೇಜಾ ಕೂಡಾ ತಮಗೆ ನೀಡಿದ ಪಾತ್ರವನ್ನು ಅದ್ಭುತವಾಗಿ ನಿಭಾಯಿಸಿ ಭಾರತದ ಗೆಲುವಿನ ರೂವಾರಿಯಾದರು.