ನವದೆಹಲಿ: ಅಫ್ಘಾನಿಸ್ತಾನದ ಲೇಟೆಸ್ಟ್ ಸೆನ್ಸೇಷನ್ ರಶೀದ್ ಖಾನ್ ಬಾಂಗ್ಲಾದೇಶ ವಿರುದ್ಧ ತಮ್ಮ ತಂಡಕ್ಕೆ ಗೆಲುವು ಕೊಡಿಸಿದ ಬೆನ್ನಲ್ಲೇ ಇದೀಗ ವಿವಾದವೊಂದಕ್ಕೆ ಸಿಲುಕಿದ್ದಾರೆ.
ಹಿರಿಯ ಕಾಮೆಂಟೇಟರ್ ಹರ್ಷ ಭೋಗ್ಲೆ ಬಾಂಗ್ಲಾದೇಶ ವಿರುದ್ಧ ಅಫ್ಘಾನಿಸ್ತಾನ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ ರಶೀದ್ ಖಾನ್ ಗೆ ಅಭಿನಂದನೆ ಸಲ್ಲಿಸಿ ಟ್ವೀಟ್ ಮಾಡಿದ್ದರು.
ಈ ಟ್ವೀಟ್ ಗೆ ಪ್ರತಿಕ್ರಿಯಿಸುವಾಗ ರಶೀದ್ ಖಾನ್ ‘ಥ್ಯಾಂಕ್ಯೂ ಬ್ರದರ್’ ಎಂದಿದ್ದರು. ಇದನ್ನು ನೋಡಿದ ಟ್ವಿಟರಿಗರು ರಶೀದ್ ಖಾನ್ ಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಭೋಗ್ಲೆ 50 ವರ್ಷ ದಾಟಿದ ಅನುಭವಿ ಕಾಮೆಂಟೇಟರ್ ಅವರನ್ನು ಇನ್ನೂ 20 ವರ್ಷ ದಾಟದ ನೀವು ಬ್ರದರ್ ಎನ್ನುವುದಾ? ಮುಂದಿನ ಬಾರಿ ಕಮೆಂಟ್ ಮಾಡುವಾಗ ಸ್ವಲ್ಪ ಮಾತಿನ ಬಗ್ಗೆ ನಿಗಾ ಇರಲಿ ಎಂದು ಟ್ವಿಟರಿಗರು ರಶೀದ್ ಖಾನ್ ಗೆ ಪಾಠ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.