ಇನಿಂಗ್ಸ್ ಮುನ್ನಡೆಯತ್ತ ಮಧ್ಯ ಪ್ರದೇಶ: ಯಶ್ ದುಬೆ, ಶುಭಂ ಶರ್ಮ ಶತಕ

ಬೆಂಗಳೂರು: ಚಿನ್ನಸ್ವಾಮಿ ಅಂಗಣದಲ್ಲಿ ನಡೆಯುತ್ತಿರುವ ರಣಜಿ ಟ್ರೋಫಿ ಫೈನಲ್ ಪಂದ್ಯದಲ್ಲಿ ಮುಂಬೈ ವಿರುದ್ಧ ಮಧ‍್ಯಪ್ರದೇಶ ಭರ್ಜರಿ ಬ್ಯಾಟಿಂಗ್ ಮಾಡುತ್ತಿದೆ.

ಮುಂಬೈ ಮೊದಲ ಇನಿಂಗ್ಸ್ ನಲ್ಲಿ 374 ರನ್ ಗಳಿಗೆ ಆಲೌಟ್ ಆಗಿತ್ತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಮಾಡುತ್ತಿರುವ ಮಧ್ಯಪ್ರದೇಶ ಎರಡನೇ ದಿನದ ಮೂರನೇ ಅವಧಿಯಲ್ಲಿ ಇತ್ತೀಚೆಗಿನ ವರದಿ ಬಂದಾಗ 3 ವಿಕೆಟ್ ನಷ್ಟಕ್ಕೆ 352 ರನ್ ಗಳಿಸಿದ್ದು ಇನಿಂಗ್ಸ್ ಮುನ್ನಡೆ ಸಾಧಿಸಲು 22 ರನ್ ದೂರದಲ್ಲಿದೆ.

ಮಧ‍್ಯಪ್ರದೇಶ ಪರ ಯಶ್ ದುಬೆ, ಶುಭಂ ಶರ್ಮ ಭರ್ಜರಿ ಶತಕ ಸಿಡಿಸಿದರು. ಯಶ್ 133 ರನ್ ಗಳಿಸಿ ಔಟಾದರೆ ಶುಭಂ 116 ರನ್ ಗಳಿಗೆ ವಿಕೆಟ್ ಒಪ್ಪಿಸಿದರು. ಇದೀಗ ರಜತ್ ಪಟಿದಾರ್ 59 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.