ಮುಂಬೈ: ಕೊರೋನಾ ಸೋಂಕು ತಗುಲಿರುವುದರಿಂದ ಏಷ್ಯಾಕಪ್ ಗೆ ಟೀಂ ಇಂಡಿಯಾ ಜೊತೆ ತೆರಳದಿರುವ ರಾಹುಲ್ ದ್ರಾವಿಡ್ ಬಗ್ಗೆ ಮಾಜಿ ಕೋಚ್ ರವಿಶಾಸ್ತ್ರಿ ಪ್ರತಿಕ್ರಿಯಿಸಿದ್ದಾರೆ.
ಈಗೆಲ್ಲಾ ಕೊರೋನಾ ಎಂದು ಯಾರೂ ಭಯಪಡಬೇಕಾಗಿಲ್ಲ. ಇದೆಲ್ಲಾ ಕೇವಲ ಒಂದು ಫ್ಲೂ ಅಷ್ಟೇ. 2-3 ದಿನದಲ್ಲಿ ಹುಷಾರಾಗಿ ಬಿಡುತ್ತೇವೆ. ದ್ರಾವಿಡ್ ಕೂಡಾ ಹಾಗೇ ಒಂದೆರಡು ಪ್ಯಾರಾಸಿಟಮಲ್ ಗುಳಿಗೆ ತಗೊಂಡ್ರೆ ಹುಷಾರಾಗಿ ಪಾಕಿಸ್ತಾನದ ವಿರುದ್ಧದ ಮೊದಲ ಪಂದ್ಯದ ವೇಳೆ ತಂಡದ ಜೊತೆಗಿರಬಹುದು. ಇದೊಂದು ಖಾಯಿಲೆಯೇ ಅಲ್ಲ ಎಂದಿದ್ದಾರೆ ರವಿಶಾಸ್ತ್ರಿ.
ನಾನೂ ಕೂಡಾ ಕಳೆದ ವರ್ಷ ಮ್ಯಾಂಚೆಸ್ಟರ್ ಟೆಸ್ಟ್ ವೇಳೆ ಹುಷಾರಾಗಿದ್ದೆ. ಆಗ ನಾನು ಡ್ರೆಸ್ಸಿಂಗ್ ರೂಂ ಪ್ರವೇಶಿಸಬಹುದಿತ್ತು. ಒಂದು ವೇಳೆ ಡ್ರೆಸ್ಸಿಂಗ್ ರೂಂಗೆ ಹೋಗಿದ್ದರೆ ಟೀಂ ಇಂಡಿಯಾ ಅಂದು ಟೆಸ್ಟ್ ಪಂದ್ಯ ಗೆಲ್ಲಬಹುದಿತ್ತು ಎಂದು ಕಳೆದ ಇಂಗ್ಲೆಂಡ್ ಸರಣಿಯನ್ನು ಶಾಸ್ತ್ರಿ ನೆನೆಸಿಕೊಂಡಿದ್ದಾರೆ.
