ಲಂಡನ್: ಇತ್ತೀಚೆಗೆ ಪುಲ್ವಾಮಾ ದಾಳಿ ಬಳಿಕ ಭಾರತೀಯ ಕ್ರಿಕೆಟಿಗರು ಪಂದ್ಯವೊಂದರಲ್ಲಿ ಆರ್ಮಿ ಕ್ಯಾಪ್ ಧರಿಸಿ ಆಡಿದ್ದು ಮತ್ತು ಮೊನ್ನೆ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಧೋನಿ ಆರ್ಮಿ ಚಿಹ್ನೆಯುಳ್ಳ ಗ್ಲೌಸ್ ಧರಿಸಿ ಆಡಿದ್ದಕ್ಕೆ ಪ್ರತೀಕಾರ ತೀರಿಸಲು ಪಾಕ್ ಕ್ರಿಕೆಟಿಗರು ನಿರ್ಧರಿಸಿದ್ದರಂತೆ.
ಅದರಂತೆ ಜೂನ್ 16 ರಂದು ಭಾರತದ ವಿರುದ್ಧ ವಿಶ್ವಕಪ್ ಪಂದ್ಯದಲ್ಲಿ ಟೀಂ ಇಂಡಿಯಾ ವಿಕೆಟ್ ಬಿದ್ದಾಗ ವಿಶಿಷ್ಟವಾಗಿ ಸಂಭ್ರಮಿಸಲು ಪಾಕ್ ಕ್ರಿಕೆಟಿಗರು ಯೋಜನೆಯೊಂದನ್ನು ರೂಪಿಸಿದ್ದರಂತೆ.
ಆದರೆ ಅದು ಹೇಗೋ ಈ ವಿಚಾರವನ್ನು ತಿಳಿದುಕೊಂಡ ಪಾಕ್ ಪ್ರಧಾನಿ, ಮಾಜಿ ಕ್ರಿಕೆಟಿಗ ಇಮ್ರಾನ್ ಖಾನ್ ಈ ರೀತಿಯ ಯೋಜನೆ ಕೈ ಬಿಡುವಂತೆ ತಾಕೀತು ಮಾಡಿದ್ದಾರಂತೆ. ಒಂದು ವೇಳೆ ಪಾಕ್ ಕ್ರಿಕೆಟಿಗರು ಆ ರೀತಿ ಮಾಡಿದ್ದರೆ ಅದು ಉಭಯ ದೇಶಗಳ ಸಂಬಂಧ ಮತ್ತಷ್ಟು ಹಳಸುವಂತೆ ಮಾಡುತ್ತಿತ್ತು. ಅಲ್ಲದೆ ಮೈದಾನದಲ್ಲಿ ಹಿಂಸಾಚಾರವೂ ನಡೆದಿರುತ್ತಿತ್ತು.
