ಐಸಿಸಿಯ ಟಿ20 ವಿಶ್ವಕಪ್ ಮೆಚ್ಚಿನ ತಂಡದಲ್ಲಿ ಭಾರತೀಯರಿಗೆ ಸ್ಥಾನವೇ ಇಲ್ಲ

ದುಬೈ: ಇತ್ತೀಚೆಗೆ ಮುಕ್ತಾಯಗೊಂಡ ಟಿ20 ವಿಶ್ವಕಪ್ ನ ಟೀಂ ಆಫ್ ಟೂರ್ನಮೆಂಟ್ ನ್ನು ಐಸಿಸಿ ಘೋಷಿಸಿದ್ದು, ಇದರಲ್ಲಿ ಭಾರತದ ಯಾವುದೇ ಆಟಗಾರ ಸ್ಥಾನ ಪಡೆದಿಲ್ಲ.

ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ ಈ ಕನಸಿನ ತಂಡದ ನಾಯಕರಾಗಿದ್ದಾರೆ. ವಿಶೇಷವೆಂದರೆ ಭಾರತದ ಹೊರತಾಗಿ ಪಾಕ್, ಶ್ರೀಲಂಕಾ, ಇಂಗ್ಲೆಂಡ್, ನ್ಯೂಜಿಲೆಂಡ್, ಆಸ್ಟ್ರೇಲಿಯಾ ಮತ್ತು ದ.ಆಫ್ರಿಕಾ ಸೇರಿದಂತೆ ಆರು ರಾಷ್ಟ್ರಗಳ ತಂಡದ ಆಟಗಾರರು ಸ್ಥಾನ ಪಡೆದಿದ್ದಾರೆ.

ಭಾರತೀಯ ಆಟಗಾರರನ್ನು ಐಸಿಸಿ ತನ್ನ ತಂಡದಲ್ಲಿ ಸಂಪೂರ್ಣವಾಗಿ ಕಡೆಗಣಿಸಿದೆ. ಡೇವಿಡ್ ವಾರ್ನರ್, ಆಡಂ ಝಂಪಾ, ವನೀಂದು ಹಸರಂಗ, ಬಾಬರ್ ಅಜಮ್, ಟ್ರೆಂಟ್ ಬೌಲ್ಟ್, ಜೋಸ್ ಬಟ್ಲರ್, ಜೋಶ್ ಹೇಝಲ್ ವುಡ್, ನೋರ್ಟ್ಜೆ, ಮೊಹಮ್ಮದ್ ಅಲಿ, ಅಸಲಂಕ ಮುಂತಾದವರು ಸ್ಥಾನ ಪಡೆದಿದ್ದಾರೆ.