ಮಾಡಿದ್ದು ಒಂದೇ ಓವರ್, ಆದ್ರೆ ಆಗಿದ್ದು ಮ್ಯಾಜಿಕ್! ರೋಹಿತ್ ನೀಡಿದ್ದ ಚಾಲೆಂಜ್ ಗೆ ಮೊಹಮ್ಮದ್ ಶಮಿ ಉತ್ತರ!

ಬ್ರಿಸ್ಬೇನ್: ಬಹಳ ದಿನಗಳ ನಂತರ ಟೀಂ ಇಂಡಿಯಾ ಸೀಮಿತ ಓವರ್ ಗಳ ಪಂದ್ಯಕ್ಕೆ ಕಮ್ ಬ್ಯಾಕ್ ಮಾಡಿರುವ ಮೊಹಮ್ಮದ್ ಶಮಿ ಒಂದೇ ಓವರ್ ಬೌಲಿಂಗ್ ಮಾಡಿ ಭಾರತಕ್ಕೆ ಪಂದ್ಯವನ್ನೇ ಗೆಲ್ಲಿಸಿಕೊಟ್ಟರು.

ಮೊಹಮ್ಮದ್ ಶಮಿ ಇಂದಿನ ಆಸ್ಟ್ರೇಲಿಯಾ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಕೊನೆಯ ಓವರ್ ಮಾತ್ರ ಬೌಲಿಂಗ್ ಮಾಡಿದ್ದಾರೆ. ಈ ಓವರ್ ನಲ್ಲಿ ಶಮಿ ನೀಡಿದ್ದು 4 ರನ್ ಪಡೆದಿದ್ದು 3 ವಿಕೆಟ್. ಅದರಲ್ಲೂ ಕೊನೆಯ ಎಸೆತ ಕರಾರ್ ವಾಕ್ ಯಾರ್ಕರ್ ಗೆ ಎದುರಾಳಿ ಕ್ಲೀನ್ ಬೌಲ್ಡ್ ಆಗಿದ್ದ. ಈ ಮೂಲಕ ಶಮಿ ಅದ್ಭುತ ಕಮ್ ಬ್ಯಾಕ್ ಮಾಡಿದ್ದಾರೆ.

ಆರಂಭಿಕ ಓವರ್ ಗಳಲ್ಲಿ ಶಮಿಗೆ ಆಡುವ ಅವಕಾಶ ನೀಡಲಿಲ್ಲ. ರೋಹಿತ್ ಬೇಕೆಂದೇ ಶಮಿಗೆ ಕೊನೆಯ ಓವರ್ ನೀಡಿ ಸಾಬೀತುಪಡಿಸುವಂತೆ ಸವಾಲು ಹಾಕಿದ್ದರಂತೆ. ತಮಗೆ ಸಿಕ್ಕ ಅವಕಾಶವನ್ನು ಶಮಿ ಬಿಡಲಿಲ್ಲ. ಸಿಕ್ಕ ಒಂದೇ ಓವರ್ ನಲ್ಲಿ ಇಡೀ ಪಂದ್ಯವನ್ನೇ ಭಾರತದ ಕಡೆಗೆ ತಿರುಗಿಸಿ ತಾವೇನೆಂದು ನಿರೂಪಿಸಿಬಿಟ್ಟರು! ಅವರ ಈ ಸಾಹಸಕ್ಕೆ ನಾಯಕ ರೋಹಿತ್ ಶರ್ಮಾರಿಂದ ಶಹಬ್ಬಾಶ್ ಗಿರಿಯೂ ಸಿಕ್ಕಿತು.

-Edited by Rajesh Patil