ನಿವೃತ್ತಿ ಬಗ್ಗೆ ಸುಳಿವು ನೀಡಿದ ವೇಗಿ ಮೊಹಮ್ಮದ್ ಶಮಿ

Photo Courtesy: Twitter

ಕೋಲ್ಕೊತ್ತಾ: ಗಾಯದಿಂದಾಗಿ ತಂಡದಿಂದ ಹೊರಗುಳಿದಿರುವ ಟೀಂ ಇಂಡಿಯಾ ವೇಗಿ ಮೊಹಮ್ಮದ್ ಶಮಿ ತಮ್ಮ ನಿವೃತ್ತಿ ಬಗ್ಗೆ ಸಂದರ್ಶನವೊಂದರಲ್ಲಿ ಮುಕ್ತವಾಗಿ ಮಾತನಾಡಿದ್ದಾರೆ.

33 ವರ್ಷದ ಶಮಿ ತಮ್ಮ ನಿವೃತ್ತಿ ಯಾವಾಗ ಇರಬಹುದು ಎಂದು ಸುಳಿವು ನೀಡಿದ್ದಾರೆ. ನನಗೆ ಯಾವಾಗ ಕ್ರಿಕೆಟ್ ಬೇಡ ಎಂದು ಎನಿಸುತ್ತದೆಯೋ ಆ ದಿನ ನಾನು ಹಿಂದೆ ಮುಂದೆ ಯೋಚಿಸದೇ ನಿವೃತ್ತಿ ಘೋಷಿಸುತ್ತೇನೆ. ಯಾವುದಕ್ಕೂ ನಾನು ಹೊರೆಯಾಗಲು ಬಯಸುವುದಿಲ್ಲ ಎಂದಿದ್ದಾರೆ. ಆದರೆ ಅದು ಯಾವಾಗ ಎಂದು ಹೇಳಿಲ್ಲ.

ನನಗೆ ವೃತ್ತಿ ಅಥವಾ ನಿವೃತ್ತಿ ಬಗ್ಗೆ ಚರ್ಚಿಸಲು ಕುಟುಂಬದಲ್ಲಿ ಯಾರೂ ಇಲ್ಲ. ಹೀಗಾಗಿ ನನಗೆ ಯಾವಾಗ ಮೈದಾನಕ್ಕೆ ಹೋಗಬಕು ಎಂದು ಅನಿಸಲ್ಲವೋ ಆಗ ಟ್ವೀಟ್ ಮಾಡಿ ನಿವೃತ್ತಿ ಘೋಷಿಸುತ್ತೇನೆ ಎಂದಿದ್ದಾರೆ. ಅವರ ಈ ಹೇಳಿಕೆ ಈಗ ವೈರಲ್ ಆಗಿದೆ.

ಏಕದಿನ ವಿಶ್ವಕಪ್ ಹೀರೋ ಮೊಹಮ್ಮದ್ ಶಮಿ ಇತ್ತೀಚೆಗಿನ ದಿನಗಳಲ್ಲಿ ಭಾರತದ ಪ್ರಮುಖ ವೇಗದ ಬೌಲರ್ ಆಗಿದ್ದಾರೆ. ಆದರೆ ವಿಶ್ವಕಪ್ ಬಳಿಕ ಗಾಯದಿಂದಾಗಿ ಅವರಿಗೆ ಆಡಲು ಸಾಧ‍್ಯವಾಗಿಲ್ಲ. ಇದೀಗ ಚೇತರಿಸಿಕೊಳ್ಳುತ್ತಿದ್ದರೂ ಪ್ರಸಕ್ತ ನಡೆಯುತ್ತಿರುವ ಇಂಗ್ಲೆಂಡ್ ಟೆಸ್ಟ್ ಸರಣಿಯಲ್ಲಿ ಅವರು ಪಾಲ್ಗೊಳ್ಳುತ್ತಿಲ್ಲ.

ಸಂದರ್ಶನದಲ್ಲಿ ತಮ್ಮ ಬಯೋಪಿಕ್ ನಿರ್ಮಾಣದ ಬಗ್ಗೆಯೂ ಶಮಿ ಮಾತನಾಡಿದ್ದಾರೆ. ನನ್ನ ಜೀವನಾಧಾರಿತ ಸಿನಿಮಾ ತೆರೆಗೆ ಬರಲಿದೆ. ಆದರೆ ಅದನ್ನು ಯಾರು ಮಾಡುತ್ತಾರೆ ಎಂದು ಗೊತ್ತಿಲ್ಲ. ಒಂದು ವೇಳೆ ಯಾವ ನಟನೂ ಸಿಗದಿದ್ದರೆ ನಾನೇ ಆ ಕೆಲಸ ಮಾಡುತ್ತೇನೆ ಎಂದಿದ್ದಾರೆ.