Publish Date: Fri, 24 Dec 2021 (16:44 IST)
Updated Date: Fri, 24 Dec 2021 (16:45 IST)
ಸೆಂಚೂರಿಯನ್: ದ.ಆಫ್ರಿಕಾದಲ್ಲಿ ನಡೆಯಲಿರುವ ಐತಿಹಾಸಿಕ ಟೆಸ್ಟ್ ಪಂದ್ಯಕ್ಕೆ ಮುನ್ನ ಬಿಸಿಸಿಐ ಟಿವಿಯಲ್ಲಿ ಗೆಳೆಯ ಮಯಾಂಕ್ ಅಗರ್ವಾಲ್ ಜೊತೆ ಮಾತುಕತೆ ನಡೆಸಿರುವ ಕೆಎಲ್ ರಾಹುಲ್ ಕೋಚ್ ರಾಹುಲ್ ದ್ರಾವಿಡ್ ಉಪಸ್ಥಿತಿ ನಮಗೆ ದೊಡ್ಡ ಬೂಸ್ಟ್ ಎಂದಿದ್ದಾರೆ.
ದ್ರಾವಿಡ್ ರಂತಹ ಅನುಭವಿ ವ್ಯಕ್ತಿ ನಮಗೆ ಕೋಚ್ ಆಗಿ ಮಹತ್ವದ ಸರಣಿಯಲ್ಲಿ ಜೊತೆಯಾಗಿರುವುದು ದೊಡ್ಡ ಪ್ಲಸ್ ಪಾಯಿಂಟ್. ಅವರ ಮಾರ್ಗದರ್ಶನ ನಮ್ಮಲ್ಲಿ ಹೊಸ ಸ್ಪೂರ್ತಿ ನೀಡುತ್ತಿದೆ ಎಂದಿದ್ದಾರೆ.
ಮಯಾಂಕ್ ಕೂಡಾ ದ್ರಾವಿಡ್ ತರಬೇತಿ ಶೈಲಿ ಬಗ್ಗೆ ಮಾತನಾಡಿದ್ದು, ಅವರು ಪೂರ್ವ ತಯಾರಿಗೆ ಒತ್ತು ನೀಡುವಂತೆ ಹೇಳುತ್ತಾರೆ. ದ್ರಾವಿಡ್ ಸರ್ ಹೇಳುವಂತೆ ನಮ್ಮ ತರಬೇತಿ, ಆಟವನ್ನು ಅರ್ಥ ಮಾಡಿಕೊಂಡು ಆಡುವುದರಿಂದ ನಾವು ಯಶಸ್ಸು ಕಾಣಬಹುದು ಎಂದಿದ್ದಾರೆ.