ಮುಂಬೈ: ಸಿಎಸ್ ಕೆ ವಿರುದ್ಧದ ಐಪಿಎಲ್ ಪಂದ್ಯದಲ್ಲಿ ಫೀಲ್ಡಿಂಗ್ ಮಾಡುವಾಗ ಪ್ಯಾಂಟ್ ಜಾರಿ ರೋಹಿತ್ ಶರ್ಮಾ ಮುಜುಗರಕ್ಕೀಡಾದ ಘಟನೆ ನಡದಿದೆ.
ಇದು ನಡೆದಿದ್ದು ಚೆನ್ನೈ ಬ್ಯಾಟಿಂಗ್ ಮಾಡುವಾಗ 12 ನೇ ಓವರ್ ನಲ್ಲಿ. ಸಿಎಸ್ ಕೆ ನಾಯಕ ಋತುರಾಜ್ ಗಾಯಕ್ ವಾಡ್ ಹೊಡೆದ ಬಾಲ್ ನ್ನು ಕ್ಯಾಚ್ ಪಡೆಯಲು ರೋಹಿತ್ ಓಡಿದ್ದರು. ಈ ವೇಳೆ ರೋಹಿತ್ ಪ್ಯಾಂಟ್ ಜಾರಿತ್ತು. ಇದನ್ನು ನೋಡಿ ಪ್ರೇಕ್ಷಕರು ಜೋರಾಗಿ ನಕ್ಕರು.
ಇಷ್ಟೆಲ್ಲಾ ಎಫರ್ಟ್ ಹಾಕಿಯೂ ಅವರಿಗೆ ಬಾಲ್ ಹಿಡಿಯಲು ಆಗಲಿಲ್ಲ. ಮುಜುಗರಕ್ಕೀಡಾದ ರೋಹಿತ್ ಪ್ಯಾಂಟ್ ಮೇಲೇರಿಸಿಕೊಂಡರು. ಈ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಮೀಮ್ಸ್ ಗಳ ಮೂಲಕ ನೆಟ್ಟಿಗರು ರೋಹಿತ್ ಕಾಲೆಳೆದಿದ್ದಾರೆ.
ಇದೇ ರೀತಿ ಹಿಂದೊಮ್ಮೆ ವಿರಾಟ್ ಕೊಹ್ಲಿಗೂ ಫೀಲ್ಡಿಂಗ್ ಮಾಡುವಾಗ ಪ್ಯಾಂಟ್ ಜಾರಿ ಮುಜುಗರದ ಸನ್ನಿವೇಶ ಎದುರಾಗಿತ್ತು. ಯುವರಾಜ್ ಸಿಂಗ್ ಬಿದ್ದು ಬಿದ್ದು ನಗುವ ದೃಶ್ಯ ಈಗಲೂ ಆನ್ ಲೈನ್ ನಲ್ಲಿ ಹರಿದಾಡುತ್ತಿದೆ. ಈಗ ರೋಹಿತ್ ಕೂಡಾ ಅದೇ ಪರಿಸ್ಥಿತಿ ಎದುರಿಸಿದ್ದಾರೆ.