ಮುಂಬೈ: ಐಪಿಎಲ್ 2024 ರಲ್ಲಿ ಮುಂಬೈ ತಂಡ ಯಶಸ್ವೀ ನಾಯಕ ರೋಹಿತ್ ಶರ್ಮಾರನ್ನು ಕಿತ್ತು ಹಾಕಿ ಹಾರ್ದಿಕ್ ಪಾಂಡ್ಯಗೆ ನಾಯಕತ್ವ ನೀಡಿದ್ದು ಅಭಿಮಾನಿಗಳಲ್ಲಿ ಆಕ್ರೋಶ ಸೃಷ್ಟಿಸಿದೆ.
ಇದೇ ಕಾರಣಕ್ಕೆ ಕಳೆದ ಎರಡು ಪಂದ್ಯಗಳಲ್ಲಿ ಮುಂಬೈ ಇಂಡಿಯನ್ಸ್ ಆಡುವಾಗ ರೋಹಿತ್ ಅಭಿಮಾನಿಗಳು ಬೇಕೆಂದೇ ಹಾರ್ದಿಕ್ ಪಾಂಡ್ಯರನ್ನು ಮೂದಲಿಸಿದ್ದರು. ಬೇಕಂದೇ ಹಾರ್ದಿಕ್ ಬೌಂಡರಿ ಸನಿಹ ಬಂದರೆ ರೋಹಿತ್ ನಮ್ಮ ನಾಯಕ ಎಂದು ಕೂಗಿ ಅವಮಾನ ಮಾಡುತ್ತಿದ್ದರು.
ಬೇರೆ ಮೈದಾನಗಳಲ್ಲೇ ಈ ಕತೆಯಾದರೆ ಇಂದು ರೋಹಿತ್ ತವರು ಮುಂಬೈನಲ್ಲೇ ಪಂದ್ಯ ನಡೆಯುತ್ತಿದೆ. ಇಲ್ಲಿ ಹಾರ್ದಿಕ್ ಕತೆಯೇನು ಎಂದು ಎಲ್ಲರೂ ಲೆಕ್ಕಾಚಾರ ಹಾಕುತ್ತಿದ್ದಾರೆ. ಮುಂಬೈನಲ್ಲಿ ಪಂದ್ಯ ನಡೆದರೆ ರೋಹಿತ್ ಅಭಿಮಾನಿಗಳು ಸಾಕಷ್ಟು ಸಂಖ್ಯೆಯಲ್ಲಿ ಸೇರುತ್ತಾರೆ.
ಹೀಗಾಗಿ ಇಂದಿನ ಪಂದ್ಯದಲ್ಲೂ ಹಾರ್ದಿಕ್ ಗೆ ಪ್ರೇಕ್ಷಕರಿಂದ ಗೇಲಿ ಎದುರಾಗಬಹುದು. ಒಂದೆಡೆ ಸತತ ಸೋಲಿನಿಂದ ಕಂಗೆಟ್ಟಿರುವ ಹಾರ್ದಿಕ್ ಗೆ ಇಂದು ರೋಹಿತ್ ಅಭಿಮಾನಿಗಳನ್ನೂ ಎದುರಿಸುವ ಒತ್ತಡವಿರಲಿದೆ.
