Publish Date: Tue, 19 Dec 2023 (15:40 IST)
Updated Date: Tue, 19 Dec 2023 (16:00 IST)
ದುಬೈ: ಐಪಿಎಲ್ 2024 ರ ಮಿನಿ ಹರಾಜು ಪ್ರಕ್ರಿಯೆಯಲ್ಲಿ ಆರ್ ಸಿಬಿಯಿಂದ ರಿಲೀಸ್ ಆಗಿದ್ದ ವೇಗಿ ಹರ್ಷಲ್ ಪಟೇಲ್ ಗೆ ಭಾರೀ ಬೇಡಿಕೆ ಬಂದಿದೆ.
ಆರ್ ಸಿಬಿಯಲ್ಲಿ ಕಳೆದ ಬಾರಿ ದುಬಾರಿ ಆಗಿದ್ದ ಪಟೇಲ್ ರನ್ನು ಈ ಬಾರಿ ತಂಡದಿಂದ ಕೈ ಬಿಡಲಾಗಿತ್ತು. ಆದರೆ ಇದು ಹರ್ಷಲ್ ಪಟೇಲ್ ಗೆ ವೈಯಕ್ತಿಕವಾಗಿ ಲಾಭವಾಗಿದೆ.
ಅವರನ್ನು ಕೊಳ್ಳಲು ಹೈದರಾಬಾದ್, ಪಂಜಾಬ್ ನಡುವೆ ಪೈಪೋಟಿ ಕಂಡುಬಂತು. ಅಂತಿಮವಾಗಿ ಪಂಜಾಬ್ 11.75 ಕೋಟಿ ರೂ. ನೀಡಿ ತನ್ನದಾಗಿಸಿಕೊಂಡಿದೆ.
ಕಳೆದ ಸೀಸನ್ ನಲ್ಲಿ ಆರ್ ಸಿಬಿ ಪರ ಹರ್ಷಲ್ 13 ಪಂದ್ಯಗಳನ್ನಾಡಿ 14 ವಿಕೆಟ್ ಕಬಳಿಸಿದ್ದರು. ಮೂರು ಸೀಸನ್ ಗಳಲ್ಲಿ ಆರ್ ಸಿಬಿ ಪರ ಆಡಿದ್ದ ಅವರು ಇದುವರೆಗೆ 65 ವಿಕೆಟ್ ಪಡೆದಿದ್ದಾರೆ. ಮೊದಲ ಎರಡು ಸೀಸನ್ ಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಪಟೇಲ್ ಕಳೆದ ಸೀಸನ್ ನಲ್ಲಿ ದುಬಾರಿಯಾಗಿ ಟ್ರೋಲ್ ಗೊಳಗಾಗಿದ್ದರು.