ಐಪಿಎಲ್ 2023: ರಾಜಸ್ಥಾನ್ ವಿರುದ್ಧ ಸೋತ ಪಂಜಾಬ್ ಔಟ್

ಧರ್ಮಶಾಲಾ: ಐಪಿಎಲ್ 2023 ರಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ 4 ವಿಕೆಟ್ ಗಳಿಂದ ಸೋತ ಪಂಜಾಬ್ ಕಿಂಗ್ಸ್ ಟೂರ್ನಿಯಿಂದ ಹೊರಬಿದ್ದಿದೆ.

ಪಂಜಾಬ್ ಮೊದಲು ಬ್ಯಾಟಿಂಗ್ ಮಾಡಿ 20 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 187 ರನ್ ಗಳಿಸಿತ್ತು. ಸ್ಯಾಮ್ ಕ್ಯುರೇನ್ 49, ಜಿತೇಶ್ ಶರ್ಮಾ 44, ಶಾರುಖ್ ಖಾನ್ ಅಜೇಯ 41 ರನ್ ಗಳಿಸಿದರು.

ಈ ಮೊತ್ತ ಬೆನ್ನತ್ತಿದ ರಾಜಸ್ಥಾನ್ ಆರಂಭದಲ್ಲೇ ಜೋಸ್ ಬಟ್ಲರ್ ವಿಕೆಟ್ ಕಳೆದುಕೊಂಡಿತು. ಆದರೆ ಯಶಸ್ವಿ ಜೈಸ್ವಾಲ್ 50 ರನ್, ದೇವದತ್ತ ಪಡಿಕ್ಕಲ್ 51 ರನ್ ಗಳಿಸಿ ಗೆಲುವಿನ ರೂವಾರಿಯಾದರು. ಅಂತಿಮವಾಗಿ ರಾಜಸ್ಥಾನ್ 19.4 ಓವರ್ ಗಳಲ್ಲಿ 6 ವಿಕೆಟ್ ಕಳೆದುಕೊಂಡು ಗೆಲುವು ಕಂಡಿತು.

ಇದರೊಂದಿಗೆ ರಾಜಸ್ಥಾನ್ ಪ್ಲೇ ಆಫ್ ರೇಸ್ ನಲ್ಲುಳಿಯಿತು. ಸದ್ಯಕ್ಕೆ 14 ಅಂಕ ಗಳಿಸಿರುವ ರಾಜಸ್ಥಾನ್ ಪ್ಲೇ ಆಫ್ ಗೇರಬೇಕಾದರೆ ಆರ್ ಸಿಬಿ ಮತ್ತು ಮುಂಬೈ ಮುಂದಿನ ಪಂದ್ಯಗಳಲ್ಲಿ ಸೋಲಬೇಕು.