ಮುಂಬೈ: ಐಪಿಎಲ್ 2023 ರಲ್ಲೂ ಮುಂಬೈ ಇಂಡಿಯನ್ಸ್ ನಿರಾಶಾದಾಯಕ ಪ್ರದರ್ಶನ ಮುಂದುವರಿದಿದೆ. ಮುಂಬೈ ತಂಡ ಕಳೆದ ಸೀಸನ್ ನಲ್ಲೂ ಕಳೆಗುಂದಿತ್ತು.
ಗರಿಷ್ಠ ಚಾಂಪಿಯನ್ ಶಿಪ್ ಪಡೆದ ಖ್ಯಾತಿಯ ಮುಂಬೈ ಈ ಪರಿಸ್ಥಿತಿಗೆ ತಲುಪಿರುವುದು ಕಳೆದ ಎರಡು ಸೀಸನ್ ಗಳಿಂದ. ಅಲ್ಲಿಯವರೆಗೆ ತಂಡದಲ್ಲಿ ಹಾರ್ದಿಕ್ ಪಾಂಡ್ಯ ಪ್ರಮುಖ ಆಟಗಾರರಾಗಿದ್ದರು. ಆದರೆ ಪಾಂಡ್ಯ ಕಳೆದ ಹರಾಜಿನಲ್ಲಿ ಯಾವಾಗ ಗುಜರಾತ್ ಪಾಲಾದರೋ ಅಂದಿನಿಂದ ಮುಂಬೈ ಅದೃಷ್ಟವೂ ಮಕಾಡೆ ಮಲಗಿದೆ.
ಆ ಅದೃಷ್ಟವೀಗ ಹಾರ್ದಿಕ್ ಪಾಂಡ್ಯ ನೇತೃತ್ವದ ಗುಜರಾತ್ ಟೈಟನ್ಸ್ ಪಾಲಾಗಿದೆ. ಹೀಗಾಗಿ ಹಾರ್ದಿಕ್ ಹೊರನಡೆದೊಡನೆ ಮುಂಬೈ ಅದೃಷ್ಟವೂ ಹೊರಟು ಹೋಯ್ತಾ ಎಂಬ ಅನುಮಾನ ಮೂಡಿದೆ.
