ಬೆಂಗಳೂರು: ಐಪಿಎಲ್ 2023 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಹರ್ಷಲ್ ಪಟೇಲ್ ಹೊರೆಯಾಗ್ತಿದ್ದಾರಾ? ಇಂತಹದ್ದೊಂದು ಪ್ರಶ್ನೆ ಎದುರಾಗಿದೆ.
ಮೊಹಮ್ಮದ್ ಸಿರಾಜ್ ಜೊತೆಗೆ ಆರ್ ಸಿಬಿಯ ಮೈನ್ ಬೌಲರ್ ಆಗಿರುವ ಹರ್ಷಲ್ ಪಟೇಲ್ ಪ್ರತೀ ಪಂದ್ಯದಲ್ಲೂ ಖಳನಾಯಕರಾಗುತ್ತಿದ್ದಾರೆ. ದುಬಾರಿ ರನ್ ಜೊತೆಗೆ ವಿಕೆಟ್ ಪಡೆಯದೇ ತಂಡಕ್ಕೆ ದೊಡ್ಡ ತಲೆನೋವಾಗಿದ್ದಾರೆ.
ಕೆಕೆಆರ್ ವಿರುದ್ಧದ ಪಂದ್ಯದಲ್ಲೂ ಹರ್ಷಲ್ ಪಟೇಲ್ 4 ಓವರ್ ಎಸೆದು 44 ರನ್ ನೀಡಿದ್ದರೂ ಒಂದೇ ಒಂದು ವಿಕೆಟ್ ಪಡೆಯಲಿಲ್ಲ. ಇದುವರೆಗೆ 7 ಪಂದ್ಯವಾಡಿರುವ ಅವರು 10 ವಿಕೆಟ್ ಪಡೆದಿದ್ದಾರೆ. ಆದರೆ ಸೂಕ್ತ ಸಂದರ್ಭಗಳಲ್ಲಿ ತಂಡದ ಸಹಾಯಕ್ಕೆ ಬರುತ್ತಿಲ್ಲ. ಕಳಪೆ ಫೀಲ್ಡಿಂಗ್, ಜೊತೆಗೆ ಡೆತ್ ಓವರ್ ಗಳಲ್ಲಿ ಎರ್ರಾ ಬಿರ್ರಿ ರನ್ ನೀಡಿ ಟೀಕೆಗೆ ಗುರಿಯಾಗುತ್ತಿದ್ದಾರೆ.
