ಐಪಿಎಲ್ 2023: ಹೈವೋಲ್ಟೇಜ್ ಆರ್ ಸಿಬಿ-ಸಿಎಸ್ ಕೆ ಪಂದ್ಯ ಇಂದು

ಚೆನ್ನೈ: ಐಪಿಎಲ್ 2023 ರಲ್ಲಿ ಇಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು-ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ ಹೈ ವೋಲ್ಟೇಜ್ ಪಂದ್ಯ ನಡೆಯಲಿದೆ.

ಚೆನ್ನೈ-ಆರ್ ಸಿಬಿ ಪಂದ್ಯವೆಂದರೆ ಅದಕ್ಕೆ ಅದರದ್ದೇ ಅಭಿಮಾನಿಗಳಿದ್ದಾರೆ. ಧೋನಿ ಪಡೆ ಮತ್ತು ಫಾ ಡು ಪ್ಲೆಸಿಸ್ ಪಡೆಯ ನಡುವೆ ಪಂದ್ಯ ಎನ್ನುವುದಕ್ಕಿಂತ ಧೋನಿ-ಕೊಹ್ಲಿ ನಡುವಿನ ಕಾಳಗ ಎಂಬುದೇ ಅಭಿಮಾನಿಗಳಲ್ಲಿ ಕಾತುರತೆ ಹೆಚ್ಚಿಸುತ್ತದೆ.

ಸಿಎಸ್ ಕೆ ಕಳೆದ ಪಂದ್ಯದಲ್ಲಿ ಸೋಲು ಅನುಭವಿಸಿತ್ತು. ಹೀಗಾಗಿ ಈ ಪಂದ್ಯದಲ್ಲಿ ಗೆಲ್ಲುವ ವಿಶ್ವಾಸದಲ್ಲಿದೆ. ಆದರೆ ಆರ್ ಸಿಬಿ ಕಳೆದ ಪಂದ್ಯದಲ್ಲಿ ಭರ್ಜರಿ ಗೆಲುವು ಸಾಧಿಸಿತ್ತು. ಈ ಪಂದ್ಯದಲ್ಲಿ ಯಾರ ಕೈ ಮೇಲಾಗುತ್ತದೆ ಎಂದು ನೋಡಬೇಕಿದೆ. ಸಂಜೆ 7.30 ಕ್ಕೆ ಚೆನ್ನೈನ ಚಿಪಾಕ್ ಮೈದಾನದಲ್ಲಿ ಪಂದ್ಯ ನಡೆಯಲಿದೆ.