ಜೊಹಾನ್ಸ್ ಬರ್ಗ್: ದ.ಆಫ್ರಿಕಾ ವಿರುದ್ಧ ಟೆಸ್ಟ್ ಸರಣಿ ಆಡಲಿರುವ ಟೀಂ ಇಂಡಿಯಾಕ್ಕೆ ಒಂದಾದ ಮೇಲೊಂದರಂತೆ ಶಾಕ್ ಸಿಗುತ್ತಿದೆ. ಆದರೆ ಈ ಶಾಕ್ ಕೆಎಲ್ ರಾಹುಲ್ ಗೆ ಅದೃಷ್ಟ ಖುಲಾಯಿಸಿದಂತಾಗಿದೆ.
ಮೊದಲು ಇಶಾನ್ ಕಿಶನ್ ಟೆಸ್ಟ್ ಸರಣಿಯಿಂದ ಹೊರಗುಳಿಯುವ ನಿರ್ಧಾರ ಮಾಡಿದ್ದರು. ಅದಾದ ಬಳಿಕ ಋತುರಾಜ್ ಗಾಯಕ್ ವಾಡ್ ಗಾಯಗೊಂಡು ಹೊರಬಿದ್ದರು.
ಈ ಬೆಳವಣಿಗೆ ಕೆಎಲ್ ರಾಹುಲ್ ಹಾದಿ ಸುಗಮವಾಗಿಸಿದೆ. ಇತ್ತೀಚೆಗಷ್ಟೇ ಏಕದಿನ ಸರಣಿಯಲ್ಲಿ ಟೀಂ ಇಂಡಿಯಾ ನಾಯಕತ್ವ ವಹಿಸಿದ್ದ ರಾಹುಲ್ ಗೆ ಟೆಸ್ಟ್ ತಂಡದಲ್ಲಿ ಆಡುವ ಬಳಗದಲ್ಲಿ ಸ್ಥಾನ ಸಿಗುವುದು ಕಷ್ಟವಿತ್ತು.
ಆದರೆ ಹಲವು ಬ್ಯಾಟಿಗರು ಕೈಕೊಟ್ಟಿರುವುದರಿಂದ ರಾಹುಲ್ ಸ್ಥಾನ ಖಚಿತವಾಗಲಿದೆ. ಇತ್ತೀಚೆಗೆ ತಾನು ಟೆಸ್ಟ್ ಕ್ರಿಕೆಟ್ ನಲ್ಲೂ ವಿಕೆಟ್ ಕೀಪಿಂಗ್ ಮಾಡಲು ಸಿದ್ಧ ಎಂದು ರಾಹುಲ್ ಹೇಳಿದ್ದರು. ಆ ಮೂಲಕ ವಿಕೆಟ್ ಕೀಪರ್ ಆಗಿಯೂ ರಾಹುಲ್ ತಂಡಕ್ಕೆ ಉಪಯುಕ್ತರಾಗಲಿದ್ದಾರೆ.
