IND vs PAK: ಪಾಕಿಸ್ತಾನ ವಿರುದ್ಧ ಆಡುವಾಗ ಹಾರ್ದಿಕ್ ಪಾಂಡ್ಯ ಕಟ್ಟಿಕೊಂಡಿದ್ದ ವಾಚ್ ಬೆಲೆ ಕೇಳಿದ್ರೆ ಶಾಕ್ ಆಗ್ತೀರಿ

Photo Credit: X

ದುಬೈ: ಚಾಂಪಿಯನ್ಸ್ ಟ್ರೋಫಿ 2025 ರ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಕಟ್ಟಿಕೊಂಡಿದ್ದ ವಾಚ್ ಬೆಲೆ ನಿಜಕ್ಕೂ ಶಾಕಿಂಗ್ ಆಗಿದೆ.

ಹಾರ್ದಿಕ್ ಪಾಂಡ್ಯಗೆ ವಾಚ್ ಗಳ ಮೇಲಿನ ಮೋಹ ಇಂದು ನಿನ್ನೆಯದಲ್ಲ. ಅವರ ಬಳಿ ಅನೇಕ ದುಬಾರಿ ವಾಚ್ ಗಳ ಕಲೆಕ್ಷನ್ ಇದೆ. ಈ ಹಿಂದೊಮ್ಮೆ ಅವರ ಸಹೋದರ ಕೃನಾಲ್ ಪಾಂಡ್ಯ ದುಬಾರಿ ವಾಚ್ ವಿಚಾರಕ್ಕೇ ಏರ್ ಪೋರ್ಟ್ ನಲ್ಲಿ ಕಸ್ಟಮ್ಸ್ ಅಧಿಕಾರಿಗಳ ವಿಚಾರಣೆಗೆ ಗುರಿಯಾಗಿದ್ದರು.

ಇದೀಗ ನಿನ್ನೆ ನಡೆದ ಪಂದ್ಯದಲ್ಲೂ ಹಾರ್ದಿಕ್ ವಿಶಿಷ್ಟ ವಾಚ್ ಒಂದನ್ನು ಕಟ್ಟಿಕೊಂಡಿದ್ದರು. ಈ ವಾಚ್ ಎಲ್ಲರ ಗಮನ ಸೆಳೆದಿತ್ತು. ಮೂಲಗಳ ಪ್ರಕಾರ ಈ ವಾಚ್ ಬೆಲೆ ಬರೋಬ್ಬರಿ 7 ಕೋಟಿ ರೂ.ಗಳಂತೆ!

ರಿಚರ್ಡ್ ಮಿಲ್ಲೆ ಕಂಪನಿಯ ವಿಶೇಷ ಬಿಳಿ, ಕೇಸರಿ ಬಣ್ಣವುಳ್ಳ ವಾಚ್ ನ್ನು ಹಾರ್ದಿಕ್ ಕಟ್ಟಿಕೊಂಡಿದ್ದರು. ಇದು ಬಹಳ ಅಪರೂಪದ ವಾಚ್ ಆಗಿದೆ. ನಿನ್ನೆ ಹಾರ್ದಿಕ್ ಪಾಂಡ್ಯ ಕಟ್ಟಿಕೊಂಡಿದ್ದ ವಾಚ್ ವಿಶೇಷವಾಗಿ ಅಭಿಮಾನಿಗಳ ಗಮನ ಸೆಳೆದಿದೆ. ಈ ವಾಚ್ ನ ಬಗ್ಗೆ ಈಗ ಹಲವರು ಹುಡುಕಾಟ ನಡೆಸುತ್ತಿದ್ದಾರೆ.