IND vs AUS: ರೋ ಕೊ ಜೋಡಿ ತಡೆಯೋರೇ ಇಲ್ಲ: ಕೊನೆಯ ಪಂದ್ಯ ಗೆದ್ದ ಟೀಂ ಇಂಡಿಯಾ

Photo Credit: X

ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಏಕದಿನ ಪಂದ್ಯವನ್ನು 9 ವಿಕೆಟ್ ಗಳಿಂದ ಟೀಂ ಇಂಡಿಯಾ ಸರಣಿ ವೈಟ್ ವಾಶ್ ಅವಮಾನ ತಪ್ಪಿಸಿಕೊಂಡಿದೆ. ಇಂದು ರೋ ಕೊ ಜೋಡಿಯನ್ನು ತಡೆಯೋರೇ ಇಲ್ಲ ಎಂಬಂತಾಗಿತ್ತು.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ 236 ರನ್ ಗಳಿಗೆ ಆಲೌಟ್ ಆಗಿತ್ತು. ಈ ಮೊತ್ತ ಬೆನ್ನತ್ತಿದ ಭಾರತ 38.3 ಓವರ್ ಗಳಲ್ಲಿ ಕೇವಲ 1 ವಿಕೆಟ್ ನಷ್ಟಕ್ಕೆ 237 ರನ್ ಗಳಿಸಿ ಕೊನೆಯ ಪಂದ್ಯವನ್ನು 9 ವಿಕೆಟ್ ಗಳಿಂದ ಗೆದ್ದಿತು.

ಈ ಪಂದ್ಯದ ಹೈಲೈಟ್ ರೋ ಕೊ ಜೋಡಿಯ ಜೊತೆಯಾಟದ ವೈಭವ. ಇಬ್ಬರ ಆಟವನ್ನು ಕಣ್ತುಂಬಿಕೊಳ್ಳಬೇಕೆಂದು ಬಹಳ ದಿನಗಳಿಂದ ಕಾಯುತ್ತಿದ್ದ ಜನಕ್ಕೆ ಇಂದು ಈ ಇಬ್ಬರೂ ದಿಗ್ಗಜ ಆಟಗಾರರು ಮನತಣಿಯುವಂತಹ ಇನಿಂಗ್ಸ್ ಆಡಿ ತೋರಿಸಿದರು.

ಒಟ್ಟು 125 ಎಸೆತ ಎದುರಿಸಿದ ರೋಹಿತ್ 121 ರನ್ ಗಳಿಸಿದರೆ ಕೊಹ್ಲಿ  81 ಎಸೆತಗಳಲ್ಲಿ 74 ರನ್ ಗಳಿಸಿ ಕೊನೆಯವರೆಗೂ ಅಜೇಯರಾಗುಳಿದರು. ಇತ್ತೀಚೆಗಿನ ದಿನಗಳಲ್ಲಿ ಇಬ್ಬರೂ ಇಷ್ಟು ಸುದೀರ್ಘ ಜೊತೆಯಾಟವಾಡಿದ್ದು ಇದೇ ಮೊದಲಿರಬಹುದು. ಇಂತಹದ್ದೊಂದು ಅದ್ಭುತ ಇನಿಂಗ್ಸ್ ನಿಂದ ಭಾರತಕ್ಕೆ ವೈಟ್ ವಾಶ್ ಅವಮಾನ ತಪ್ಪಿಸಿದರು.