ಇಂಧೋರ್ ಪಿಚ್ ಗೆ ಕಳಪೆ ಅಂಕ ನೀಡಿದ ಐಸಿಸಿ

Photo Courtesy: Twitter

ಇಂಧೋರ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಮೂರನೇ ಟೆಸ್ಟ್ ನಡೆದ ಇಂಧೋರ್ ಪಿಚ್ ಗೆ ಐಸಿಸಿ ಕಳಪೆ ಮಾರ್ಕ್ ನೀಡಿದೆ.

ಈ ಟೆಸ್ಟ್ ಪಂದ್ಯ ಮೂರನೇ ದಿನದ ಬೆಳಗಿನ ಅವಧಿಯಲ್ಲೇ ಕೊನೆಗೊಂಡಿತ್ತು. ಅಲ್ಲದೆ, ಮೊದಲ ದಿನ ಮೊದಲ ಅವಧಿಯಲ್ಲಿ ತೀವ್ರ ಪುಟಿದೇಳುತ್ತಿದ್ದ ಬಾಲ್ ಬಳಿಕ ಇದ್ದಕ್ಕಿದ್ದಂತೆ ಬ್ಯಾಟಿಗರಿಗೆ ನೆರವಾಗಿತ್ತು. ಈ ಪಿಚ್ ಬಗ್ಗೆ ಟೀಂ ಇಂಡಿಯಾ ಕೋಚ್ ರಾಹುಲ್ ದ್ರಾವಿಡ್ ಕೂಡಾ ಅಸಮಾಧಾನ ವ್ಯಕ್ತಪಡಿಸಿದ್ದರು.

ಪ್ರತೀ ಪಂದ್ಯದ ಬಳಿಕ ಮ್ಯಾಚ್ ರೆಫರಿ ವರದಿ ಆಧರಿಸಿ ಐಸಿಸಿ ಪಿಚ್ ಗೆ ರೇಟಿಂಗ್ ನೀಡುತ್ತದೆ. ಅದರಂತೆ ಇಂಧೋರ್ ಪಿಚ್ ಗೆ ಐಸಿಸಿ ಕಳಪೆ ಅಂಕ ನೀಡಿದೆ.