ಸೂಪರ್ ಓವರ್ ನಿಯಮಕ್ಕೆ ಬದಲಾವಣೆ ತಂಡದ ಐಸಿಸಿ: ಹೊಸ ನಿಯಮವೇನು ಗೊತ್ತಾ?

ದುಬೈ: ವಿಶ್ವಕಪ್ ಟೂರ್ನಿಯಂತಹ ಪ್ರಮುಖ ಕೂಟಗಳಲ್ಲಿ ಪಂದ್ಯ ಸಮಬಲವಾದಾಗ ಅಳವಡಿಸುವ ಸೂಪರ್ ಓವರ್ ನಿಯಮಾವಳಿಗೆ ಐಸಿಸಿ ಕೆಲವು ಬದಲಾವಣೆ ತಂದಿದೆ.

ಈ ಬಾರಿ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಸೂಪರ್ ಓವರ್ ನಲ್ಲೂ ಸ್ಕೋರ್ ಟೈ ಆದಾಗ ಅತೀ ಹೆಚ್ಚು ಬೌಂಡರಿ ಬಾರಿಸಿದ ಇಂಗ್ಲೆಂಡ್ ನ್ನು ವಿಜಯಿಯೆಂದು ಘೋಷಿಸಲಾಗಿತ್ತು. ಇದು ಭಾರೀ ಟೀಕೆಗೆ ಗುರಿಯಾಗಿತ್ತು. ಹೀಗಾಗಿ ದುಬೈಯಲ್ಲಿ ನಡೆದ ಸಭೆಯಲ್ಲಿ ಐಸಿಸಿ ಈ ನಿಯಮಾಳಿಗೆ ಕೊಂಚ ಬದಲಾವಣೆ ತಂದಿದೆ.

ಇನ್ನು ಮುಂದೆ ಸೂಪರ್ ಓವರ್ ನಲ್ಲೂ ಸ್ಕೋರ್ ಸಮಬಲವಾದಾಗ ಮತ್ತೆ ಸೂಪರ್ ಓವರ್ ಮಾಡಬೇಕಾಗುತ್ತದೆ. ಎಲ್ಲಿಯವರೆಗೆ ಒಂದು ತಂಡ ಹೆಚ್ಚು ರನ್ ಗಳಿಸುವುದೋ ಅಲ್ಲಿಯವರೆಗೆ ಸೂಪರ್ ಓವರ್ ನಡೆಸಲು ಐಸಿಸಿ ನಿರ್ಧರಿಸಿದೆ. ಈ ನಿರ್ಧಾರವನ್ನು ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ಸ್ವಾಗತಿಸಿದ್ದಾರೆ.