ಸಚಿನ್ ಅಭಿಮಾನಿಗೆ ಧೋನಿ ಕೊಟ್ಟ ಸ್ಪೆಷಲ್ ಗಿಫ್ಟ್!

ರಾಂಚಿ: ಸಚಿನ್ ತೆಂಡುಲ್ಕರ್ ಅವರ ಅಪ್ಪಟ ಅಭಿಮಾನಿ ಸುಧೀರ್ ಗೌತಮ್ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಭಾರತ ಆಡುವ ಪ್ರತೀ ಪಂದ್ಯದಲ್ಲಿ ಮೈ ತುಂಬಾ ತ್ರಿವರ್ಣ ಧ್ವಜದ ಪೈಂಟ್ ಹಚ್ಚಿಕೊಂಡು ಸಚಿನ್ ತೆಂಡುಲ್ಕರ್ ಎಂದು ಬರೆದುಕೊಂಡು ಚಿಯರ್ ಅಪ್ ಮಾಡುವ ಈ ಅಭಿಮಾನಿಗೆ ಧೋನಿ ಮರೆಯಲಾರದ ಉಡುಗೊರೆ ಕೊಟ್ಟಿದ್ದಾರೆ.

ಸಚಿನ್ ಕುರಿತಾದ ಸಿನಿಮಾದಲ್ಲೂ ಈ ಅಭಿಮಾನಿ ಇದ್ದಾನೆ. ಭಾರತ ತಂಡ ಹೋದಲ್ಲೆಲ್ಲಾ ಈತನೂ ಪ್ರವಾಸ ಹೋಗುತ್ತಾನೆ. ಅಂತಿಪ್ಪ ಅಭಿಮಾನಿಗೆ ಧೋನಿ ತಮ್ಮ ಫಾರ್ಮ್ ಹೌಸ್ ನಲ್ಲಿ ಔತಣ ಕೂಟ ನೀಡಿದ್ದಾರೆ.

ಈ ಬಗ್ಗೆ ಟ್ವಿಟರ್ ನಲ್ಲಿ ಖುಷಿ ವ್ಯಕ್ತಪಡಿಸಿರುವ ಸುಧೀರ್ ‘ಕ್ಯಾಪ್ಟನ್ ಕೂಲ್ ಜತೆಗೆ ವಿಶೇಷ ದಿನ. ಸೂಪರ್ ಫಾರ್ಮ್ ಹೌಸ್ ನಲ್ಲಿ ಸೂಪರ್ ಲಂಚ್. ಈ ಕ್ಷಣಗಳನ್ನು ವರ್ಣಿಸಲು ಆಗದು. ಧೋನಿ ಮತ್ತು ಸಾಕ್ಷಿಗೆ ಧನ್ಯವಾದಗಳು’ ಎಂದು ಸುಧೀರ್ ಬರೆದುಕೊಂಡಿದ್ದಾರೆ. ಜತೆಗೆ ಧೋನಿ ಕುಟುಂಬದ ಜತೆಗೆ ಕೂತು ಊಟ ಮಾಡುವ ಫೋಟೋವನ್ನೂ ಹಾಕಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.