ಮುಂಬೈ: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವೆ ನಡೆಯಲಿರುವ ಏಕದಿನ ಸರಣಿಗೆ ವಿಂಡೀಸ್ ತಂಡದಿಂದ ಹೊಡೆಬಡಿಯ ಆರಂಭಿಕ ಕ್ರಿಸ್ ಗೇಲ್ ಹೊರಗುಳಿದಿದ್ದಾರೆ.
ಐಪಿಎಲ್ ನಿಂದಾಗಿ ಭಾರತದಲ್ಲಿ ಅಸಂಖ್ಯಾತ ಅಭಿಮಾನಿಗಳನ್ನು ಹೊಂದಿರುವ ಗೇಲ್ ಭಾರತದಲ್ಲಿ ಜನಪ್ರಿಯ ಆಟಗಾರ. ಆದರೆ ವಿಂಡೀಸ್ ಸರಣಿಗೆ ದೈತ್ಯ ಆಟಗಾರ ಇಲ್ಲದೇ ಇರುವುದರಿಂದ ಇಲ್ಲಿರುವ ಅವರ ಅಭಿಮಾನಿಗಳಿಗೂ ನಿರಾಸೆಯಾಗಿರುವುದು ಖಂಡಿತಾ.
ಅಫ್ಘಾನಿಸ್ತಾನ ಪ್ರೀಮಿಯರ್ ಲೀಗ್ ಆಡಬೇಕಿರುವುದರಿಂದ ಭಾರತದ ವಿರುದ್ಧ ಏಕದಿನ ಮತ್ತು ಟಿ20 ಸರಣಿಯಿಂದ ಹೊರಗುಳಿಯುತ್ತಿರುವುದಾಗಿ ಗೇಲ್ ಪ್ರಕಟಿಸಿದ್ದಾರೆ. ಆದರೆ ಐಪಿಎಲ್ ನ ಮುಂಬೈ ಇಂಡಿಯನ್ಸ್ ತಂಡದ ಮೂಲಕ ಜನಪ್ರಿಯವಾಗಿರುವ ಕಿರನ್ ಪೋಲಾರ್ಡ್ ವಿಂಡೀಸ್ ತಂಡದಲ್ಲಿರಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
