ಐಪಿಎಲ್ ಆರಂಭಿಸಲು ತೊಡಕಾಗಿರುವ ಐಸಿಸಿ: ಬೇಸತ್ತ ಬಿಸಿಸಿಐ

ಮುಂಬೈ: ಮಾರ್ಚ್-ಏಪ್ರಿಲ್ ನಲ್ಲಿ ನಡೆಯಬೇಕಿದ್ದ ಐಪಿಎಲ್ 13 ಕೊರೋನಾ ಕಾರಣದಿಂದಾಗಿ ಇನ್ನೂ ಆರಂಭವಾಗಿಲ್ಲ. ಅಕ್ಟೋಬರ್ ನಲ್ಲಿ ನಡೆಸಲು ಬಿಸಿಸಿಐ ಚಿಂತನೆ ನಡೆಸಿದೆ. ಆದರೆ ಐಸಿಸಿ ಧೋರಣೆ ಈಗ ಬಿಸಿಸಿಐಗೆ ಹತಾಶೆ ಉಂಟುಮಾಡಿದೆ.

ಅಕ್ಟೋಬರ್ ನಲ್ಲಿ ವಿಶ್ವ ಟಿ20 ಕಪ್ ನಡೆಯಬೇಕಿದೆ. ಆದರೆ ಇದನ್ನು ಆಯೋಜಿಸುವುದು ಅನುಮಾನ. ಹಾಗಿದ್ದರೂ ಐಸಿಸಿ ಈ ಬಗ್ಗೆ ಇನ್ನೂ ಅಧಿಕೃತವಾಗಿ ತನ್ನ ನಿರ್ಧಾರ ಪ್ರಕಟಿಸಿಲ್ಲ. ಹೀಗಾಗಿ ಐಸಿಸಿ ನಿರ್ಧಾರಕ್ಕಾಗಿ ಕಾಯುತ್ತಿದ್ದ ಬಿಸಿಸಿಐ ಬೇಸತ್ತಿದೆ.

ಐಪಿಎಲ್ ನಡೆಸಲು ಐಸಿಸಿ ಘೋಷಣೆಗೆ ಕಾಯುತ್ತಿದ್ದ ಬಿಸಿಸಿಐ ಈಗ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿಯ ವಿಳಂಬ ಧೋರಣೆಯಿಂದ ಬೇಸತ್ತು ತನ್ನದೇ ಹಾದಿ ಹಿಡಿಯಲು ಮುಂದಾಗಿದೆ. ಐಸಿಸಿ ಘೋಷಿಸುತ್ತೋ ಬಿಡುತ್ತೋ ತಾನಂತೂ ಅಕ್ಟೋಬರ್ ನಲ್ಲಿ ಐಪಿಎಲ್ ನಡೆಸಲು ಯೋಜನೆ ರೂಪಿಸುವುದಾಗಿ ಬಿಸಿಸಿಐ ಹೇಳಿದೆ. ಅದರ ಮೊದಲ ಭಾಗವಾಗಿ ಐಪಿಎಲ್ ಟೂರ್ನಮೆಂಟ್ ಎಲ್ಲಿ ನಡೆಸಬೇಕು ಎಂದು ತೀರ್ಮಾನಿಸಲಿದೆ.