ರೋಹಿತ್, ಕೊಹ್ಲಿಗೆ ಎಚ್ಚರಿಕೆಯ ನೋಟಿಸ್ ನೀಡಲಿರುವ ಬಿಸಿಸಿಐ: ಕಾರಣವೇನು ಗೊತ್ತಾ?

ಮುಂಬೈ: ಇಂಗ್ಲೆಂಡ್ ನಲ್ಲಿರುವ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಗೆ ಬಿಸಿಸಿಐ ಎಚ್ಚರಿಕೆಯ ನೋಟಿಸ್ ನೀಡಲಿದೆ.

ಲಂಡನ್ ವಿಮಾನವೇರುವ ಮುನ್ನವೇ ಕ್ರಿಕೆಟಿಗ ರವಿಚಂದ್ರನ್ ಅಶ್ವಿನ್ ಗೆ ಕೊರೋನಾ ತಗುಲಿದೆ. ದ.ಆಫ್ರಿಕಾ ಸರಣಿಯ ಬಳಿಕ ಟೀಂ ಇಂಡಿಯಾ ಕ್ರಿಕೆಟಿಗರಿಗೆ ಬಯೋ ಬಬಲ್ ವಾತಾವರಣದ ಕಟ್ಟಪಾಡುಗಳಿಲ್ಲ.

ಹೀಗಾಗಿ ಕ್ರಿಕೆಟಿಗರು ಎಲ್ಲೆಂದರಲ್ಲಿ ಮಾಸ್ಕ್ ಇಲ್ಲದೇ ಓಡಾಡುತ್ತಿದ್ದಾರೆ. ಫ್ಯಾನ್ಸ್ ಜೊತೆ ಪಕ್ಕದಲ್ಲೇ ನಿಂತು ಸೆಲ್ಫೀ ಕೊಡುತ್ತಿದ್ದಾರೆ. ಇದು ಅಪಾಯಕ್ಕೆ ಆಹ್ವಾನ ನೀಡಿದಂತೆ. ಈ ಕಾರಣಕ್ಕೆ ಎಚ್ಚರಿಕೆಯಿಂದಿರುವಂತೆ ಕ್ರಿಕೆಟಿಗರಿಗೆ ನೋಟಿಸ್ ನೀಡಲಿದೆ.