ಪಾಕ್ ಮಾಜಿ ಆಟಗಾರರ ಮೇಲೆ ಕಿಡಿ ಕಾರಿದ ಬಾಬರ್ ಅಜಮ್

ಕೋಲ್ಕೊತ್ತಾ: ವಿಶ್ವಕಪ್ ನಲ್ಲಿ ಹೀನಾಯ ಪ್ರದರ್ಶನದ ಹಿನ್ನಲೆಯಲ್ಲಿ ಪಾಕ್ ಕ್ರಿಕೆಟ್ ತಂಡ ಮತ್ತು ನಾಯಕ ಬಾಬರ್ ಅಜಮ್ ರನ್ನು ಅಲ್ಲಿನ ಮಾಜಿ ಕ್ರಿಕೆಟಿಗರೇ ಟೀಕೆ ಮಾಡುತ್ತಿದ್ದಾರೆ. ಈ ಬಗ್ಗೆ ಪತ್ರಿಕಾಗೋಷ್ಠಿಯಲ್ಲಿ ಬಾಬರ್ ಅಜಮ್ ಕಿಡಿ ಕಾರಿದ್ದಾರೆ.

ಕೇವಲ ಪಾಕ್ ತಂಡ ಮಾತ್ರವಲ್ಲ, ನಾಯಕ ಬಾಬರ್ ಅಜಮ್ ಕೂಡಾ ಬ್ಯಾಟಿಂಗ್ ನಲ್ಲಿ ವೈಫಲ್ಯ ಅನುಭವಿಸಿದ್ದಾರೆ. ಪಾಕ್ ತಂಡದ ವೈಫಲ್ಯಕ್ಕೆ ಇದೂ ಮುಖ್ಯ ಕಾರಣ ಎಂದು ಅನೇಕರು ಟೀಕೆ ಮಾಡಿದ್ದರು.

ಈ ಬಗ್ಗೆ ಮಾತನಾಡಿರುವ ಬಾಬರ್ ಅಜಮ್ ‘ಎಲ್ಲಾ ಮಾಜಿ ಆಟಗಾರರ ಬಳಿ ನನ್ನ ನಂಬರ್ ಇದೆ. ಸಲಹೆ ಕೊಡಬೇಕೆಂದರೆ ನನಗೇ ನೇರವಾಗಿ ಕರೆ ಮಾಡಿ ಸಲಹೆ ಕೊಡಬಹುದು’ ಎಂದು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.