Publish Date: Thu, 25 Jan 2018 (12:13 IST)
Updated Date: Thu, 25 Jan 2018 (12:19 IST)
ಮುಂಬೈ: ಪತಿ ವಿರಾಟ್ ಕೊಹ್ಲಿ ಇದೀಗ ದ.ಆಫ್ರಿಕಾದಲ್ಲಿ ಕ್ರಿಕೆಟ್ ಆಡಲು ತೆರಳಿದ ವೇಳೆ ಪತ್ನಿ ಅನುಷ್ಕಾ ಶರ್ಮಾ ಮುಂಬೈನ ತಮ್ಮ ಭವ್ಯ ನಿವಾಸದಲ್ಲಿ ಒಬ್ಬಂಟಿಯಾಗಿ ಕಾಲ ಕಳೆಯಬೇಕಿದೆ.
ಹಾಗಂತ ಅನುಷ್ಕಾ ಏನೂ ಖಾಲಿ ಕೂತಿಲ್ಲ. ಶೂಟಿಂಗ್ ನಲ್ಲಿ ಬ್ಯುಸಿ ಇದ್ದಾರೆ. ಹಾಗಿದ್ದರೂ ರಜೆ ದಿನ ಒಂಟಿ ಒಂಟಿಯಾಗಿರುವುದು ಬೋರೋ ಬೋರು ಎನ್ನುತ್ತಾ ಕಾಲ ಕಳೆಯಬೇಕಾಗಿದೆ.
ಆದರೆ ರಜಾ ದಿನ ಅನುಷ್ಕಾಗೆ ವಿರಾಟ್ ಇಲ್ಲದ ಬೇಜಾರು ಕಳೆಯಲು ಜತೆಯಾಗಿದ್ದು ಯಾರು ಗೊತ್ತಾ? ಮೆಚ್ಚಿನ ನಾಯಿ ಡೂಡೆ. ತಮ್ಮ ಮುದ್ದು ನಾಯಿಯೊಂದಿಗೆ ಆಟವಾಡುತ್ತಿರುವ ಫೋಟೋವನ್ನು ಅನುಷ್ಕಾ ಪ್ರಕಟಿಸಿದ್ದು, ನೋಡಿ ರಜೆ ಕಳೆಯಲು ನನ್ನ ಜತೆ ಯಾರಿದ್ದಾರೆ ಅಂತ? ಎಂದು ಅಡಿಬರಹವನ್ನೂ ಕೊಟ್ಟಿದ್ದಾರೆ.
ಇತ್ತೀಚೆಗಷ್ಟೇ ವಿವಾಹವಾಗಿರುವ ಅನುಷ್ಕಾ ಪತಿ ವಿರಾಟ್ ಜತೆ ದ.ಆಫ್ರಿಕಾಗೆ ತೆರಳಿ ಒಂದು ವಾರ ಕಳೆದು ವಾಪಸಾಗಿದ್ದರು. ಬಂದ ಮೇಲೆ ಶೂಟಿಂಗ್ ಗೆ ಹಾಜರಾದ ಅವರಿಗೆ ಚಿತ್ರತಂಡದಿಂದ ಭವ್ಯ ಸ್ವಾಗತವೂ ದೊರಕಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ
ಮೊಬೈಲ್ ಆ್ಯಪ್ ಡೌನ್ ಲೋಡ್ ಮಾಡಿಕೊಳ್ಳಿ