ಮುಂಬೈ : ಹಾಲಿವುಡ್ ನ ಸಿನಿಮಾಗಳಲ್ಲಿ ನಟಿಸಲು ನಟ ನಟಿಯರು ತುದಿಗಾಲಿನಲ್ಲಿ ನಿಂತಿರುವಾಗ ಬಾಲಿವುಡ್ ನ ಸ್ಟಾರ್ ನಟ ಶಾರುಖ್ ಖಾನ್ ಅವರು ಮಾತ್ರ ಅವಕಾಶವಿದ್ದರೂ ಕೂಡ ಹಾಲಿವುಡ್ ಗೆ ಹಾರಲಿಲ್ಲ.
ಇದಕ್ಕೆ ಕಾರಣವೆನಿರಬಹುದು ಎಂಬ ಕುತೂಹಲ ಹಲವರಲ್ಲಿರಬಹುದು. ಇದಕ್ಕೆ ಉತ್ತರ ಇದೀಗ ಶಾರುಖ್ ಅವರೇ ನೀಡಿದ್ದಾರೆ. “ನಟಿ ಪ್ರಿಯಾಂಕಾ ಚೋಪ್ರಾ, ನವಾಜುದ್ದೀನ್ ಸಿದ್ಧಿಕಿ, ಇರ್ಫಾನ್ ಖಾನ್ ಸೇರಿದಂತೆ ಸಾಕಷ್ಟು ತಾರೆಯರು ಹಾಲಿವುಡ್ನಲ್ಲಿ ಮಿಂಚಿದ್ದಾರೆ. ಅದೃಷ್ಟದ ಪರೀಕ್ಷೆ ಅವರ ಕೈ ಹಿಡಿದಿದೆ. ಆದ್ರೆ, ನಾನು ಮಾತ್ರ ಬಾಲಿವುಡ್ನಲ್ಲೇ ಉಳಿದಿರುವೆ. ಇದುವರೆಗೂ ಯಾವುದೇ ಹಾಲಿವುಡ್ ಚಿತ್ರದಲ್ಲಿ ಅಭಿನಯಿಸಿಲ್ಲ. ಅದಕ್ಕೆ ಕಾರಣ ಇಂಗ್ಲಿಷ್. ನನಗೆ ಇಂಗ್ಲಿಷ್ ಅಷ್ಟು ಚೆನ್ನಾಗಿ ಬರುವುದಿಲ್ಲ. ಹಾಗಾಗಿ ನಾನು ಇಲ್ಲಿಯೇ ಉಳಿದಿದ್ದೇನೆ “ ಎಂದಿದ್ದಾರೆ.
ಅಲ್ಲದೆ “ಬಾಲಿವುಡ್ ಸಿನಿಮಾಗಳನ್ನು ಹಾಲಿವುಡ್ನಲ್ಲಿ ಪರಿಚಯಿಸಬೇಕು ಎನ್ನುವುದು ನನ್ನ ಆಸೆ ಆಗಿದೆ. ಭಾರತೀಯ ನಟ-ನಟಿ ಯಾವತ್ತೂ ಹಾಲಿವುಡ್ನಲ್ಲಿ ನಟಿಸಬೇಕು ಎಂದು ಅಂದುಕೊಂಡುರುವುದಿಲ್ಲ. ಇಲ್ಲಿರುವ ನಮ್ಮ ನಿರ್ದೇಶಕರೊಂದಿಗೆ ಕೆಲಸ ಮಾಡಬೇಕು” ಎಂದು ಹೇಳುವುದರ ಮೂಲಕ ಅವರು ಈಗಾಗಲೇ ಹಾಲಿವುಡ್ಗೆ ಹಾರಿದವರಿಗೆ ಟಾಂಗ್ ನೀಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.