ಮುಂಬೈ: ವಿರಾಟ್‌ ಹಾಗೂ ಅನುಷ್ಕಾ ಶರ್ಮಾ ಲವ್‌ ಬರ್ಡ್ಸ್‌ ಅನ್ನೋದು ಎಲ್ಲರಿಗೂ ತಿಳಿದಿರುವ ವಿಚಾರ. ಈ ಬಗ್ಗೆ ಪರೋಕ್ಷವಾಗಿ ಈ ಕ್ಯೂಟ್ ಜೋಡಿ ಎಕ್ಸ್ ಪ್ರೆಸ್‌ ಮಾಡಿದೆ.
ಸದ್ಯ ಅನುಷ್ಕಾ ತಮ್ಮ ಪ್ರೀತಿಯನ್ನು ಘೋಷಿಸಲು ನಿರ್ಧರಿಸಿದಂತೆ ಕಾಣ್ತಿದೆ. ಇದಕ್ಕೆ ಅವರು ಆಯ್ದುಕೊಂಡಿರುವ ವಿಧಾನ ಮಾತ್ರ ಸಖತ್ ಇಂಟೆರೆಸ್ಟಿಂಗ್ ಆಗಿದೆ. ಅನುಷ್ಕಾ ಮತ್ತಿ ಕೊಹ್ಲಿ ಖ್ಯಾತ ಬ್ರಾಂಡೆಡ್ ಬಟ್ಟೆಯ ಜಾಹೀರಾತುನಲ್ಲಿ ಕಾಣಿಸಿಕೊಂಡಿದ್ದಾರೆ. ಮದುವೆಗೆ ಒಟ್ಟಿಗೆ ಹೋಗಿದ್ದ ಕೊಹ್ಲಿ ಮತ್ತು ಅನುಷ್ಕಾ ಅಲ್ಲಿ ಏಳು ಶಪಥ ಮಾಡಿಕೊಳ್ತಾರೆ. ಈ ಜಾಹೀರಾತು ನಿನ್ನೆ(ಅ.21) ರಿಲೀಸ್‌ ಆಗಿದೆ.
ಈ ಜಾಹೀರಾತಿನ ಫೋಟೊಗಳು ಸದ್ಯ ಸೋಷಿಯಲ್ ಮೀಡಿಯಾಗಳಲ್ಲಿ ರಾರಾಜಿಸ್ತಿವೆ. ಈ ಜಾಹೀರಾತಿನಲ್ಲಿ ಮಾಡಿದಂತೆ ತಮ್ಮ ವೈಯಕ್ತಿಕ ಜೀವನದಲ್ಲೂ ಶಪಥ ಮಾಡಿಕೊಳ್ಳಬಹುದು ಎಂದು ಅಭಿಮಾನಿಗಳು ಗೆಸ್‌ ಮಾಡಿಕೊಳ್ತಿದ್ದಾರೆ.