ರಶ್ಮಿಕಾ ಬಳಿಕ ಡೀಪ್ ಫೇಕ್ ಸಂಕಷ್ಟಕ್ಕೀಡಾದ ಕತ್ರಿನಾ ಕೈಫ್

ಮುಂಬೈ: ನಟಿ ರಶ್ಮಿಕಾ ಮಂದಣ್ಣ ಡೀಪ್ ಫೇಕ್ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡಿದ ಬೆನ್ನಲ್ಲೇ ಮತ್ತೊಬ್ಬ ಬಾಲಿವುಡ್ ನಟಿ ಕತ್ರಿನಾ ಕೈಫ್ ಕೂಡಾ ಇದೇ ಸಂಕಷ್ಟಕ್ಕೀಡಾಗಿದ್ದಾರೆ.

ರಶ್ಮಿಕಾರಂತೇ ಕತ್ರಿನಾ ಅವರ ನಕಲಿ ವಿಡಿಯೋ ಮಾಡಿ ಹರಿಯಬಿಡಲಾಗಿದೆ. ಕತ್ರಿನಾ ಅವರ ಟೈಗರ್ 3 ಸಿನಿಮಾದ ವಿಡಿಯೋವನ್ನು ನಕಲಿ ಮಾಡಿ ಹರಿಯಬಿಡಲಾಗಿದೆ. ಕತ್ರಿನಾ ಟವೆಲ್ ಫೈಟ್ ಮಾಡುವ ಸನ್ನಿವೇಶವನ್ನು ನಕಲಿ ಮಾಡಲಾಗಿದೆ. ಆದರೆ ಇದುವರೆಗೆ ಕತ್ರಿನಾ ಈ ಬಗ್ಗೆ ಮಾತನಾಡಿಲ್ಲ.

ರಶ್ಮಿಕಾ ಪ್ರಕರಣವಾಗುತ್ತಿದ್ದಂತೇ ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಸೇರಿದಂತೆ ಅನೇಕ ಸಿನಿ ತಾರೆಯರು ಈ ಬೆಳವಣಿಗೆ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು. ಕೇಂದ್ರ ಸರ್ಕಾರ ಕೂಡಾ ಇಂತಹ ಕೃತ್ಯವೆಸಗುವವರಿಗೆ ಗರಿಷ್ಠ 3 ವರ್ಷ ಜೈಲು ಮತ್ತು 1 ಲಕ್ಷ ರೂ.ವರೆಗೆ ದಂಡ ವಿಧಿಸಲಾಗುತ್ತದೆ ಎಂದು ಎಚ್ಚರಿಕೆ ನೀಡಿದೆ. ಹಾಗಿದ್ದರೂ ಮತ್ತೊಬ್ಬ ನಟಿಗೆ ಈಗ ಇದೇ ಸಮಸ್ಯೆ ಎದುರಾಗಿರುವುದು ದುರದೃಷ್ಟಕರ.