ಮುಂಬೈ: ಹೃತಿಕ್ ರೋಷನ್ ಮತ್ತೆ ಸೂಪರ್ ಹೀರೊ ಆಗೋದಕ್ಕೆ ಎಲ್ಲಾ ರೀತಿಯ ತಯಾರಿ ನಡೆಸುತ್ತಿದ್ದಾರೆ. ಕ್ರಿಷ್ 4 ಚಿತ್ರದಲ್ಲಿ ನಟಿಸಲು ಸಕಲ ಸಿದ್ಧತೆ ನಡೆಸಿದ್ದಾರೆ.
ಕ್ರಿಷ್ 4ರಲ್ಲಿ ಹೃತಿಕ್ ರೋಷನ್ ಪಾತ್ರವೇನು ಎಂಬುದು ಎಲ್ಲರ ಕುತೂಹಲ ಕೆರಳಿಸಿದೆ. ಮಕ್ಕಳ ಸೂಪರ್ ಹೀರೊ ಆಗಿರುವ ಹೃತಿಕ್, ಈ ಬಾರಿ ಹೀರೊ ಮತ್ತು ವಿಲನ್ ಎರಡೂ ಪಾತ್ರಗಳನ್ನು ಅವರೇ ನಿಭಾಯಿಸಲಿದ್ದಾರೆ ಎಂದು ಬಿಟೌನ್ ನಲ್ಲಿ ಸುದ್ದಿ ಹಬ್ಬಿದೆ.
ಇನ್ನು ನಿರ್ಮಾಪಕ ರಾಕೇಶ್ ರೋಷನ್ ಮಾತನಾಡಿ, `ಕ್ರಿಷ್’ ನಮ್ಮ ದೇಶದ ಏಕೈಕ ಸೂಪರ್ ಹೀರೊ. ನನ್ನ ಪತ್ನಿ ಕ್ರಿಷ್ ಅವತಾರದಲ್ಲಿರುವ ಗಣೇಶನನ್ನು ತೋರಿಸಿದಾಗ ನಾವು ಹೊಂದಿರುವ ಏಕೈಕ ಒರಿಜಿನಲ್ ಸೂಪರ್ ಹೀರೊ ಎಂದೆ. ಅದು ನನ್ನ ನಂಬಿಕೆಯನ್ನು ಹೆಚ್ಚಿಸಿತು. ಅದೇ ಬಲವಾದ ನಂಬಿಕೆ ಈಗ ಕ್ರಿಷ್ 4 ಚಿತ್ರ ಮಾಡಲು ಸ್ಫೂರ್ತಿ ಎಂದಿದ್ದಾರೆ.
ಹೃತಿಕ್ ಈಗಾಗಲೇ ಡಬಲ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕ್ರಿಷ್, ಕ್ರಿಷ್ 3 ಮತ್ತು ಕೋಯಿ ಮಿಲ್ ಗಯಾ ಚಿತ್ರದಲ್ಲಿ ಡ್ಯುಯಲ್ ರೋಲ್ ನಲ್ಲಿ ಮಿಂಚಿದ್ದಾರೆ. ಆದರೆ ಈ ಚಿತ್ರದಲ್ಲಿ ಹೃತಿಕ್ ಯಾವ ಪಾತ್ರದಲ್ಲಿ ಕಾಣಿಸುತ್ತಾರೆ ಗೊತ್ತಿಲ್ಲ. ಒಂದೇ ವ್ಯಕ್ತಿ ಎರಡು ಶೇಡ್ ಅಥವಾ ಹೀರೊ, ವಿಲನ್ ಎರಡೂ ಪಾತ್ರಗಳಲ್ಲಿ ಕಾಣಿಸುತ್ತಾರಾ ಅನ್ನೋ ಕುತೂಹಲ ಹೆಚ್ಚಾಗ್ತಿದೆ.
