ಮುಂಬೈ : ಇಲ್ಲಿಯ ತನಕ ಹಿಂದಿ ಬಿಗ್ ಬಾಸ್ ಕಾರ್ಯಕ್ರಮವನ್ನು ತುಂಬಾ ಚೆನ್ನಾಗಿ ನಿರೂಪಣೆ ಮಾಡಿಕೊಂಡ ಬಂದ ಬಾಲಿವುಡ್ ನಟ ಸಲ್ಮಾನ್ ಖಾನ್ ಈ ಬಾರಿ ಬಿಗ್ ಬಾಸ್ 12 ನ ಆವೃತ್ತಿಯಲ್ಲಿ ಅವರ ಸಂಭಾವನೆ ಹೆಚ್ಚಾಗಿದೆಯಂತೆ.
ಹಿಂದಿಯ ಬಿಗ್ ಬಾಸ್ ನ 12 ನೇ ಆವೃತ್ತಿ ಸೆಪ್ಟೆಂಬರ್ 16 ರಂದು ಪ್ರಾರಂಭವಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಈಗಾಗಲೇ ಬಿಗ್ ಬಾಸ್ ಪೋಸ್ಟರ್ ಗಳು, ಪ್ರೋಮೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ವರದಿಗಳ ಪ್ರಕಾರ ಈ ಬಾರಿ ಬಿಗ್ ಬಾಸ್ ನಿರೂಪಣೆ ಮಾಡಲು ಸಲ್ಮಾನ್ ಖಾನ್ ಹೆಚ್ಚಿನ ಸಂಭಾವನೆ ಪಡೆದಿದ್ದಾರಂತೆ.
ಬಿಗ್ ಬಾಸ್ ನಲ್ಲಿ ಒಟ್ಟು 13 ವಾರಗಳ ಕಾಲ ಈ ಬಿಗ್ ಬಾಸ್ ಶೋ ನಡೆಯಲಿದ್ದು, ಅದರಲ್ಲಿ ಶನಿವಾರ ಹಾಗೂ ಭಾನುವಾರ ಅಷ್ಟೆ ಸಲ್ಮಾನ್ ಕಾಣಿಸಲಿದ್ದಾರೆ. ಅಂದರೆ ಒಟ್ಟು 26 ಸಂಚಿಕೆಗಳು ಸಲ್ಮಾನ್ ನಿರೂಪಣೆಯಲ್ಲಿ ನಡೆಯಲಿವೆ. ಅವರು ಒಂದು ಸಂಚಿಕೆಗೆ ಸುಮಾರು 14 ಕೋಟಿ ತೆಗೆದುಕೊಂಡಿದ್ದಾರೆ ಎನ್ನಲಾಗಿದೆ.
ಸೀಸನ್ 11 ರಲ್ಲಿ ಸಲ್ಮಾನ್ ಒಂದು ಸಂಚಿಕೆಗೆ 12 ಕೋಟಿ ಪಡೆದಿದ್ದರು ಇದೀಗ 2 ಕೋಟಿ ಹೆಚ್ಚಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಇನ್ನು ಸೀಜನ್ ನಾಲ್ಕರಿಂದ ಆರರವರೆಗೆ ಎರಡೂವರೆ ಕೋಟಿ ಮಾತ್ರ ತೆಗೆದುಕೊಂಡಿದ್ದರು. ಇನ್ನು ಸೀಸನ್ 8 ರಲ್ಲಿ ಮತ್ತೆ ಸಂಭಾವನೆ ಹೆಚ್ಚಿಸಿಕೊಂಡಿದ್ದರು. ಆವೃತ್ತಿ 9ಕ್ಕೆ 7 ಕೋಟಿ, ಆವೃತ್ತಿ 10ಕ್ಕೆ 8 ಕೋಟಿ, ಆವೃತ್ತಿ 10ಕ್ಕೆ 11 ಕೋಟಿ ಪಡೆದಿದ್ದರು ಎನ್ನಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.