ಮುಂಬೈ : ಬಾಲಿವುಡ್ ನಲ್ಲಿ ಸಾಕಷ್ಟು ಹೆಸರು ಮಾಡಿದ ನಟಿ ಪ್ರಿಯಾಂಕ ಚೋಪ್ರಾ ಅವರು, ನಂತರ ಹಾಲಿವುಡ್ ನತ್ತ ಮುಖ ಮಾಡಿದರು. ಆದರೆ ಸ್ವಲ್ಪ ಸಮಯದ ನಂತರ ಹಾಲಿವುಡ್ ತೊರೆದು, ಮತ್ತೆ ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟರು. ಪ್ರಿಯಾಂಕ ಈ ರೀತಿ ಯಾಕೆ ಮಾಡಿದರು ಎಂಬ ಪ್ರಶ್ನೆ ಹಲವರಲ್ಲಿ ಮೂಡಿತ್ತು. ಆದರೆ ಇದಕ್ಕೆ ಒಂದು ಬಲವಾದ ಕಾರಣವಿದೆಯಂತೆ. ಈ ವಿಚಾರವನ್ನು ಅವರು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
ಹೌದು. ನಟಿ ಪ್ರಿಯಾಂಕ ಅಮೆರಿಕಾದ ಕ್ವಾಂಟಿಕೋ ಶೋ ಮೂಲಕ ಹಾಲಿವುಡ್ನಲ್ಲಿ ನೆಲೆ ಕಂಡಿದ್ದರು. ಆದರೆ ಸತತ ಮೂರು ಸೀಸನ್ಗಳಲ್ಲಿ ಕಾಣಿಸಿಕೊಂಡ ಪ್ರಿಯಾಂಕ ನಂತರ ಆ ಶೋವನ್ನು ಬಿಟ್ಟು ಬಾಲಿವುಡ್ಗೆ ವಾಪಸ್ ಆದರು. ಕಾರಣ ಪ್ರಿಯಾಂಕಾ ಅವರು ಟಿಆರ್ಪಿ ತಂದು ಕೊಡುವಲ್ಲಿ ಯಶಸ್ವಿಯಾಗಿಲ್ವಂತೆ. ಆದಕಾರಣ ಕ್ವಾಂಟಿಕೋ 4 ನೇ ಸೀಸನ್ ಕ್ಯಾನ್ಸಲ್ ಆಗಿದೆಯಂತೆ.
ಹಾಗೇ ಪ್ರಿಯಾಂಕ ಹಾಲಿವುಡ್ ತೊರೆಯಲು ಮುಖ್ಯವಾದ ಕಾರಣವೆನೆಂದರೆ ಅವರಿಗೆ ಹಾಲಿವುಡ್ ಚಿತ್ರಗಳಲ್ಲಿ ಅವಕಾಶ ಸಿಕ್ಕಿಲ್ವಂತೆ. ಇದಕ್ಕೆ ಕಾರಣ ಅವರ ಮೈ ಬಣ್ಣವಂತೆ.
ಪ್ರಿಯಾಂಕಾ ಅವರು ಚಿತ್ರದ ಸಲುವಾಗಿ ಸ್ಟುಡಿಯೋವೊಂದಕ್ಕೆ ತೆರಳಿದ್ದರಂತೆ. ಈ ವೇಳೆ ಇವರ ಮ್ಯಾನೇಜರ್ ಅವರನ್ನು ಕರೆಯಿಸಿಕೊಂಡ ಚಿತ್ರತಂಡ, ನಮ್ಮ ಚಿತ್ರಕ್ಕೆ ಈ ನಟಿಯ ಮೈ ಬಣ್ಣ ಹೊಂದುವುದಿಲ್ಲ. ಅವರಿಗೆ ಚಿತ್ರದಲ್ಲಿ ಅವಕಾಶ ನೀಡಲು ಸಾಧ್ಯವಿಲ್ಲ ಎಂದಿದ್ದರಂತೆ. ಈ ವಿಷಯವನ್ನ ಮ್ಯಾನೇಜರ್ ಬಳಿಯಿಂದ ಕೇಳಿದ ಪ್ರಿಯಾಂಕಾ ಅವರಿಗೆ ಸಿಕ್ಕಾಪಟ್ಟೆ ನಿರಾಸೆಯಾಗಿತ್ತಂತೆ. ಈ ಸಂಗತಿಯನ್ನು ಸ್ವತಃ ಪ್ರಿಯಾಂಕಾ ಸಂದರ್ಶನದಲ್ಲಿ ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
