ಹೈದರಾಬಾದ್ : ಮಿಲ್ಕಿ ಬ್ಯೂಟಿ ತಮನ್ನಾ ಬಾಟಿಯಾ ಅವರು ಶೀಘ್ರದಲ್ಲೆ ಅಮೆರಿಕದಲ್ಲಿರುವ ಎನ್‍ಆರ್‍ಐ ಡಾಕ್ಟರ್ ಒಬ್ಬರನ್ನು ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಇತ್ತೀಚೆಗೆ ಎಲ್ಲಾ ಕಡೆ ಹರಿದಾಡುತ್ತಿದೆ. ಈ ಸುದ್ದಿಯ ಬಗ್ಗೆ ಇದೀಗ ನಟಿ ತಮನ್ನಾ ಅವರು ಪ್ರತಿಕ್ರಿಯೆ ನೀಡಿದ್ದಾರೆ.
ನಟಿ ತಮನ್ನಾ ಅವರು ತಮ್ಮ ಟ್ವೀಟರ್ ನಲ್ಲಿ ಟ್ವೀಟ್ ಮಾಡುವುದರ ಮೂಲಕ ಅಮೆರಿಕದಲ್ಲಿರುವ ಎನ್‍ಆರ್‍ಐ ಡಾಕ್ಟರ್ ಜೊತೆ ತಮ್ಮ ಮದುವೆ ವಿಚಾರವನ್ನು ಅಲ್ಲಗೆಳೆದಿದ್ದಾರೆ. ಅಷ್ಟೇ ಅಲ್ಲದೇ ವಿನಾಕಾರಣ ತಮ್ಮ ಮದುವೆ ಬಗ್ಗೆ ಸುಳ್ಳುಸುದ್ದಿ ಹಬ್ಬಿಸಿದವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
‘ಒಂದು ದಿನ ನಟ, ಮತ್ತೊಂದು ದಿನ ಕ್ರಿಕೆಟರ್ ಈಗ ಡಾಕ್ಟರ್. ಈ ರೂಮರ್ಸ್ ಗಳನ್ನು ನೋಡಿದರೆ ನಾನೇನಾದರೂ ಗಂಡನನ್ನು ಹುಡುಕುವ ಅಮಲಿನಲ್ಲಿದ್ದೇನೆಯೇ ಎಂಬಂತೆ ನನಗೆ ಭಾಸವಾಗುತ್ತದೆ. ಈ ವದಂತಿಗಳನ್ನು ನಂಬಬೇಡಿ. ನಾನೀಗ ಸಿಂಗಲ್ ಆಗಿಯೇ ಇದ್ದೇನೆ. ನನ್ನ ಪೋಷಕರು ನನಗೆ ಯಾವ ವರನನ್ನು ಹುಡುಕುತಿಲ್ಲ. ಮುಂದೊಂದು ದಿನ ನಾನು ಮದುವೆಯಾಗುವಾಗ ನಾನೇ ನಿಮಗೆಲ್ಲ ತಿಳಿಸುತ್ತೇನೆ. ವಿನಾಕಾರಣ ಈ ರೀತಿ ಸುಳ್ಳು ಸುದ್ದಿಗಳಿಗೆ ಯಾರೂ ಕಿವಿಕೊಡಬೇಡಿ.
ನನ್ನ ವಯಕ್ತಿಕ ಜೀವನದ ಬಗ್ಗೆ ಈ ರೀತಿ ಆಧಾರವಿಲ್ಲದ ರೂಮರ್ಸ್ ಗಳು ಹರಿದಾಡುವುದು ನನಗೆ ಖಂಡಿತ ಹಿಡಿಸುವುದಿಲ್ಲ. ನಾನೂ ಮತ್ತೊಮ್ಮೆ ಹೇಳುತ್ತಿದ್ದೇನೆ. ನನ್ನ ಮದುವೆ ಯಾರ ಜೊತೆಯೂ ನಿಶ್ಚಯವಾಗಿಲ್ಲ. ಈ ಗಾಸಿಪ್ ಗಳೆಲ್ಲಾ ಕೆಲವೊಬ್ಬರ ಕಲ್ಪನೆ ಅಷ್ಟೇ ‘ ಎಂದು ಟ್ವೀಟರ್ ನಲ್ಲಿ ಬರೆದುಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
