ಟೀಕೆ ಮಾಡುವವರ ಬಗ್ಗೆ ನಟ ಅಕ್ಷಯ್ ಕುಮಾರ್ ಹೇಳಿದ್ದೇನು ಗೊತ್ತಾ?

ಮುಂಬೈ : ಇತ್ತೀಚಿನ ದಿನಗಳಲ್ಲಿ ಸೆಲಿಬ್ರಿಟಿಗಳು ಟ್ರೋಲ್​ ಗಳಿಗೆ ಗುರಿಯಾಗುವುದು ಸರ್ವೇ ಸಾಮಾನ್ಯ​. ಸೆಲಿಬ್ರಿಟಿಗಳನ್ನು ಒಂದಲ್ಲ ಒಂದು ವಿಷಯಕ್ಕೆ ಜನರು ಟ್ರೋಲ್ ಮಾಡುತ್ತಿರುತ್ತಾರೆ. ಈ ಬಗ್ಗೆ ಕೆಲ ಸೆಲೆಬ್ರೆಟಿಗಳು ತಲೆ ಕೆಡಿಸಿಕೊಳ್ಳುವುದಿಲ್ಲ. ಆದರೆ ಈ ಟೀಕೆಗಳನ್ನು ಧನಾತ್ಮಕ ಅಂಶವಾಗಿ ಪರಿಗಣಿಸಿದರೆ ಆ ಮೂಲಕ ನಾವು ಉನ್ನತ ಮಟ್ಟಕ್ಕೆ ಏರುತ್ತೇವೆ ಎಂದು ನಟ ಅಕ್ಷಯ್ ಕುಮಾರ್ ಅಭಿಪ್ರಾಯಪಡುತ್ತಾರೆ.

‘ನಾನು ಸಾರ್ವಜನಿಕ ವಲಯದಿಂದ ಟೀಕೆಗೆ ಗುರಿಯಾದಷ್ಟೂ, ಅವುಗಳನ್ನು ಧನಾತ್ಮಕ ಅಂಶವಾಗಿ ಪರಿಗಣಿಸುವುದರ ಮೂಲಕ ಬೆಳೆಯುತ್ತೇನೆ. ನಾನು ಏನು ಎಂಬುದನ್ನು ಕೆಲವು ಬಾರಿ ಟೀಕಾಕಾರರೇ ತಮ್ಮ ಟೀಕೆಗಳ ಮೂಲಕ ನನಗೆ ತಿಳಿಸುತ್ತಾರೆ. ಅವುಗಳನ್ನು ನನ್ನ ಬೆಳವಣಿಗೆಗೆ ಉಪಯೋಗಿಸಿಕೊಳ್ಳುತ್ತೇನೆ’ ಎಂದು ಅಕ್ಷಯ್ ಕುಮಾರ್ ಹೇಳಿದ್ದಾರೆ.

ಹಾಗೇಯೇ ನಿಮ್ಮ ಬೆಳವಣಿಗೆಯ ವಿಚಾರದಲ್ಲಿ ಟೀಕೆ ಮಾಡುವವರ ವಿರುದ್ದ ತಿರುಗಿ ಬೀಳದೇ, ಸಂಯಮದಿಂದ ಅವುಗಳನ್ನು ದಾಟುವುದು ಉತ್ತಮ. ಹಾಗೆಯೇ ಕಾಲೆಳೆಯುವವರಿಗೆ ನಮ್ಮ ಕಾಲುಗಳು ಸಿಗದಂತೆ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಎಚ್ಚರಿಕೆ ವಹಿಸುವುದು ಅವಶ್ಯಕ ಎಂದು ಅಕ್ಷಯ್ ಸಲಹೆ ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ