ಮುಂಬೈ: ಚಿತ್ರರಂಗಕ್ಕೆ ಬರುವ ಮುಂಚೆಯೇ ನಟಿ ಶ್ರೀದೇವಿ ಮಗಳು ಜಾಹ್ನವಿ ಹಾಗೂ ಶಾಹಿದ್ ಕಪೂರ್ ಸಹೋದರ ಇಶಾನ್‌ ಸುದ್ದಿಯಲ್ಲಿದ್ದಾರೆ.
ಜಾಹ್ನವಿ ಹಾಗೂ ಇಶಾನ್‌ ರನ್ನು ಬಾಲಿವುಡ್‌ಗೆ ಪರಿಚಯಿಸಲು ಸಿದ್ಧತೆಗಳು ನಡೆದಿವೆ. ಈ ನಡುವೆ ಈ ಲವ್ ಬರ್ಡ್ಸ್ ಒಟ್ಟಿಗೆ ಕಾಣಿಸಿಕೊಂಡು ಚರ್ಚೆಗೆ ವಿಷಯವಾಗುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ಹಾಲಿವುಡ್ ಚಿತ್ರದ ವೀಕ್ಷಣೆಗೆ ತೆರಳಿದ್ದ ವೇಳೆ ಕ್ಯಾಮರಾ ಕಣ್ಣಿಗೆ ಸಿಕ್ಕಿದ್ದ ಇವರು, ಆಮಿರ್‌ ಖಾನ್‌ ಅಭಿನಯದ 'ಸೀಕ್ರೆಟ್‌ ಸೂಪರ್ ಸ್ಟಾರ್‌' ಚಿತ್ರ ವೀಕ್ಷಿಸಲು ತೆರಳಿ ಮತ್ತೆ ಸುದ್ದಿಯಾಗಿದ್ದಾರೆ.
ಈಗಾಗಲೇ ಈ ಜೋಡಿ ಬಗ್ಗೆ ಬಿಟೌನ್‌ನಲ್ಲಿ ಗುಸು ಗುಸು ಶುರುವಾಗಿದೆ. ಶಾಹಿದ್ ಕಪೂರ್ ತಮ್ಮನಿಗೆ ಬುದ್ಧಿಯೂ ಹೇಳಿದ್ದಾರಂತೆ. ಇತ್ತ ಜಾಹ್ನವಿಗೆ ತಾಯಿ ಶ್ರೀದೇವಿ ಸಹ ಬುದ್ಧಿ ಹೇಳಿದ್ದಾರೆ. ಆದರೆ ಇವರ್ಯಾರಿಗೂ ಕಿವಿಗೊಡದ ಈ ಜೋಡಿ ಮತ್ತೆ ಕೈ ಕೈ ಹಿಡಿದು ಓಡಾಡುತ್ತಿದೆ.
ಸೀಕ್ರೆಟ್‌ ಸೂಪರ್ ಸ್ಟಾರ್‌ ಚಿತ್ರದ ಮೇಹರ್‌ ವಿಜ್‌ ಕೂಡ ಇಶಾನ್‌ ಹಾಗೂ ಜಾಹ್ನನಿ ಜತೆ ಸೇರಿ ತಮ್ಮ ಚಿತ್ರ ವೀಕ್ಷಿಸಿದ್ದಾರೆ. ಬಳಿಕ ಈ ಮೂವರು ಸೇರಿ ತೆಗೆಸಿಕೊಂಡಿರುವ ಫೋಟೊ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ ಮೇಹರ್‌.