ಬಂಗಲೆ ಖರೀದಿಸಿ ಸಂಕಷ್ಟಕ್ಕೆ ಸಿಲುಕಿದ ಬಾಲಿವುಡ್‌ ನಟಿ ಕಂಗನಾ ರನಾವತ್

ಮುಂಬೈ : ಬಂಗಲೆ ಖರೀದಿಗೆ ಸಹಾಯ ಮಾಡಿದ ಮಧ್ಯವರ್ತಿಗೆ ಹಣ ನೀಡದ ಆರೋಪದಲ್ಲಿ ಬಾಲಿವುಡ್‌ ನಟಿ ಕಂಗನಾ ರನಾವತ್ ವಿರುದ್ದ ದೂರು ದಾಖಲಾಗಿದೆ.

ನಟಿ ಕಂಗನಾ ರನಾವತ್ ಅಪ್‌ ಮಾರ್ಕೆಟ್‌ ಪಾಲಿ ಹಿಲ್‌ನಲ್ಲಿ 2017ರ ಸೆಪ್ಟೆಂಬರ್‌ನಲ್ಲಿ 20.07 ಕೋಟಿ ರೂ. ವೆಚ್ಚದ ಬಂಗಲೆಯನ್ನು ಖರೀದಿಸಿದ್ದರು. ಆದರೆ ಈ ಬಂಗಲೆ ಖರೀದಿಸಲು ಸಹಾಯ ಮಾಡಿದ ಮಧ್ಯವರ್ತಿಗೆ ಶೇ.1 ರಷ್ಟು ಕಮಿಷನ್‌ ಕೊಟ್ಟಿಲ್ಲ ಎಂದು ಕಂಗನಾ ಹಾಗೂ ಆಕೆಯ ಸಹೋದರಿ ರಂಗೋಲಿ ವಿರುದ್ಧ ಪ್ರಕರಣ ದಾಖಲಾಗಿದೆ.

ಪ್ರಕಾಶ್‌ ಜಿ ರೋಹಿರಾ ಎಂಬವರು, 20 ಲಕ್ಷ ರೂ. ಶುಲ್ಕವನ್ನು ಪಾವತಿಸಿಲ್ಲ. ಹೀಗಾಗಿ ಪ್ರಸ್ತುತ ಶೇ.1ರ ಬದಲಿಗೆ ಶೇ.2 ರಷ್ಟು ಕಮೀಷನ್ ಪಾವತಿಸುವಂತೆ ಬೇಡಿಕೆ ಇಟ್ಟಿದ್ದಾರೆ. ಒಟ್ಟಾರೆ 3,075 ಚದರಡಿ ಜಾಗದ ಬಂಗಲೆ ಖರೀದಿ ವೇಳೆ 1.03 ಕೋಟಿ ರೂ. ಸ್ಟ್ಯಾಂಪ್‌ ಡ್ಯೂಟಿ ಹಾಕಲಾಗಿತ್ತು. ತಮ್ಮ ಕಮೀಷನ್ ಪಾವತಿಸದೇ ಇದ್ದ ಕಾರಣ ನಿಯಮಾನುಸಾರ ಪ್ರಸ್ತುತ ಹೆಚ್ಚು ಶುಲ್ಕ ಪಾವತಿಸಬೇಕಾಗುತ್ತದೆ ಎಂದು ಪ್ರಕಾಶ್‌ ವಾದಿಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ