ಅರ್ಜುನ್ ಕಪೂರ್ ಮತ್ತು ಪರಿಣಿತಿ ಛೋಪ್ರಾ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ ನಮಸ್ತೆ ಇಂಗ್ಲೆಂಡ್ ನ ಚಿತ್ರೀಕರಣವನ್ನು ಪಂಜಾಬ್‌ನಲ್ಲಿ ಪ್ರಾರಂಭಿಸಲು ಎಲ್ಲಾ ತಯಾರಿಯೂ ನಡೆದಿದೆ. ಇಶ್ಕಜಾದೆ ಚಿತ್ರದಲ್ಲಿ ಒಟ್ಟಿಗೆ ಅಭಿನಯಿಸಿ ಪರದೆಯನ್ನು ಹಂಚಿಕೊಂಡಿದ್ದ ಅರ್ಜುನ್ ಹಾಗೂ ಪರಿಣಿತಿ ಅಮೃತಸರದಲ್ಲಿರುವ ಗೋಲ್ಡನ್ ಟೆಂಪಲ್‌ಗೆ ಭೇಟಿ ನೀಡಿದರು.
ಚಿತ್ರೀಕರಣದ ಆರಂಭಕ್ಕೂ ಮೊದಲು ಸರ್ವಶಕ್ತನ ಆಶೀರ್ವಾದವನ್ನು ಪಡೆದುಕೊಂಡರು. ಇವರಿಬ್ಬರೊಂದಿಗೆ ಚಿತ್ರನಿರ್ಮಾಪಕ ವಿಪುಲ್ ಷಾ ಕೂಡಾ ಜೊತೆಗಿದ್ದರು.
ಚಿತ್ರೀಕರಣ ಪ್ರಾರಂಭವಾಗುವುದಕ್ಕೂ ಮೊದಲು ದೇವಸ್ಥಾನಕ್ಕೆ ಭೇಟಿ ನೀಡುವುದು ಅರ್ಜುನ್ ಕಪೂರ್ ಅವರ ಪೂರ್ವಸಿದ್ಧತೆಯಿಲ್ಲದ ಯೋಜನೆಯಾಗಿತ್ತು. ಅರ್ಜುನ್ ಪ್ರಶಾಂತವಾದ ಪವಿತ್ರ ಸ್ಥಳದಲ್ಲಿ 30 ನಿಮಿಷಗಳ ಕಾಲ ಏಕಾಂತದಲ್ಲಿ ಪ್ರಾರ್ಥನೆಯನ್ನು ಮಾಡುವ ಅವಕಾಶವನ್ನು ಕಳೆದುಕೊಳ್ಳಲಿಲ್ಲ. ನಮಸ್ತೆ ಇಂಗ್ಲೆಂಡ್ ಚಿತ್ರ ಇದೇ ವರ್ಷದ ಡಿಸೆಂಬರ್‌ 7 ರಂದು ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ.
ನಮಸ್ತೆ ಇಂಗ್ಲೆಂಡ್ ಚಿತ್ರವು ನಮಸ್ತೆ ಲಂಡನ್‌ನ ಮುಂದುವರಿದ ಭಾಗ ಎಂದು ಹೇಳಲಾಗಿತ್ತು ಮತ್ತು ಈ ಚಿತ್ರದಲ್ಲೂ ಅಕ್ಷಯ್ ಕುಮಾರ್ ಇರುವುದಾಗಿ ನಿರ್ಮಾಪಕ ವಿಪುಲ್ ಷಾ ಹೇಳಿದ್ದರು. ಅಕ್ಷಯ್ ಕುಮಾರ್ ಮತ್ತು ಸೋನಾಕ್ಷಿ ಸಿನ್ಹಾ ಈ ಚಿತ್ರದ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸುವ ಎಲ್ಲಾ ಸಾಧ್ಯತೆಗಳೂ ಇವೆ ಎಂದು ಮೂಲಗಳು ತಿಳಿಸಿದ್ದವು. ಆದರೆ ಅಕ್ಷಯ್ ಬೇರೆ ಚಿತ್ರಗಳಲ್ಲಿ ನಿರತರಾಗಿರುವುದರಿಂದ ಅರ್ಜುನ್‌ಗೆ ಈ ಚಿತ್ರದಲ್ಲಿ ಅವಕಾಶವನ್ನು ನೀಡಲಾಗಿದ್ದು ಅವರಿಗೆ ಪರಿಣಿತಿ ಛೋಪ್ರಾ ಜೊತೆಯಾಗಲಿದ್ದಾರೆ.