ಫೋಟೋಗ್ರಾಫರ್ ಮೇಲೆ ಐಶ್ವರ್ಯಾ ರೈ ಬಚ್ಚನ್ ಗೆ ಬಂತು ಭಾರೀ ಕೋಪ!

ಮುಂಬೈ: ಮೊನ್ನೆಯಷ್ಟೇ ಐಶ್ವರ್ಯಾ ರೈ ಅವರ ಫೋಟೋ ತೆಗೆಯುತ್ತಿದ್ದ ಕ್ಯಾಮರಾ ಮೆನ್ ನ್ನು ಪತಿ ಅಭಿಷೇಕ್ ಬಚ್ಚನ್ ಬಳಿಗೆ ಕರೆಸಿ ವಿಚಾರಿಸಿಕೊಂಡಿದ್ದರು. ಇದೀಗ ಸ್ವತಃ ಐಶ್ವರ್ಯಾ ಫೋಟೋಗ್ರಾಫರ್ ಮೇಲೆ ಸಿಟ್ಟಿಗೆದ್ದಿದ್ದಾರೆ.

ಇದು ನಡೆದಿದ್ದು ಐಶ್ ತಂದೆ ಕೃಷ್ಣರಾಜ್ ರೈ ಹುಟ್ಟುಹಬ್ಬ ಪ್ರಯುಕ್ತ ಚ್ಯಾರಿಟಿ ಸಂಸ್ಥೆಯೊಂದರಲ್ಲಿ ನಡೆದ ಕಾರ್ಯಕ್ರಮದಲ್ಲಿ. ಕಾರ್ಯಕ್ರಮದಲ್ಲಿ ತಾಯಿ ವೃಂದಾ ರೈ ಮತ್ತು ಪುತ್ರಿ ಆರಾಧ್ಯ ಜತೆಗೆ ಬಂದಿದ್ದ ಐಶ್ ಫೋಟೋ ಪೈಪೋಟಿಗೆ ಬಿದ್ದವರಂತೆ ತೆಗೆಯುತ್ತಿದ್ದ ಫೋಟೋಗ್ರಾಫರ್ ಗಳನ್ನು ನೋಡಿ ಅವರು ಸಿಟ್ಟಿಗೆದ್ದಿದ್ದಾರೆ.

‘ದಯವಿಟ್ಟು ನಿಮ್ಮ ಫೋಟೋಗ್ರಫಿ ನಿಲ್ಲಿಸಿ. ಇದು ಸಿನಿಮಾ ಪಬ್ಲಿಸಿಟಿ ಅಥವಾ ಪ್ರೀಮಿಯರ್ ಕಾರ್ಯಕ್ರಮ ಅಲ್ಲ. ಸ್ವಲ್ಪ ಪರಿಸ್ಥಿತಿಯನ್ನು ಗೌರವಿಸಿ’ ಎಂದು ಐಶ್ ಸಿಡಿಮಿಡಿಗೊಂಡು ಫೋಟೋಗ್ರಾಫರ್ ಗಳಿಗೆ ಖಡಕ್ ಆಗಿ ವಾರ್ನಿಂಗ್ ಕೊಟ್ಟಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ