ಮುಂಬೈ: ಬಾಲಿವುಡ್ ಸ್ಟಾರ್ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ಮುದ್ದಿನ ಮಗಳು ಆರಾಧ್ಯ ಬಚ್ಚನ್. ಬಚ್ಚನ್ ಕುಟುಂಬದ ಈ ಕುಡಿ ಈಗಲೇ ಭಾರೀ ಫೇಮಸ್ಸು. ಆದರೆ ಅಪ್ಪನಿಗೆ ಯಾವತ್ತಿದ್ದರೂ ಮುದ್ದಿನ ಮಗಳೇ ಅಲ್ಲವೇ? ಈ ಮುದ್ದಿನ ಮಗಳಿಗಾಗಿ ಅಪ್ಪ ಅಭಿಷೇಕ್ ಮಾಡಿದ್ದ ಕೆಲಸವೇನು ಗೊತ್ತಾ?
ಅದೊಂದು ಆರಾಧ್ಯ ಬಚ್ಚನ್ ಗೆ ಕಿವಿ ಚುಚ್ಚಿಸುವ ಶಾಸ್ತ್ರವಿತ್ತು. ಆದರೆ ಕಿವಿ ಚುಚ್ಚಿಸುವಾಗ ನೋವಾಗುತ್ತಲ್ವಾ? ಆದರೆ ಮುದ್ದಿನ ಮಗಳಿಗೆ ಎಳ್ಳಷ್ಟೂ ನೋವಾಗುವುದು ಅಭಿಷೇಕ್ ಗೆ ಇಷ್ಟವಿರಲಿಲ್ಲ.
ಅದಕ್ಕಾಗಿ ಅವರು ಮಗಳಿಗೆ ಕಿವಿ ಚುಚ್ಚುವ ಮೊದಲು ತಾವು ಮೊದಲು ಚುಚ್ಚಿಸಿಕೊಂಡರಂತೆ. ಆ ಮೂಲಕ ಅದೆಷ್ಟು ನೋವು ಕೊಡುತ್ತದೆ ಎಂದು ಮೊದಲು ತಾನು ಅನುಭವಿಸುತ್ತೇನೆ ಎಂಬುದು ಅಪ್ಪನ ಆಶಯ. ಆ ಬಳಿಕವಷ್ಟೇ ಮಗಳಿಗೆ ಕಿವಿ ಚುಚ್ಚಲು ಬಿಟ್ಟರಂತೆ. ಇದನ್ನು ಸ್ವತಃ ಅಭಿಷೇಕ್ ತಮ್ಮ ತಂದೆ ಅಮಿತಾಭ್ ಬಚ್ಚನ್ ನಿರೂಪಣೆ ಮಾಡುವ ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮದ ಶೂಟಿಂಗ್ ಸಂದರ್ಭದಲ್ಲಿ ಹೇಳಿಕೊಂಡಿದ್ದಾರಂತೆ. ಈ ಎಪಿಸೋಡ್ ಇನ್ನಷ್ಟೇ ಪ್ರಸಾರವಾಗಬೇಕಿದೆ.