ಇಂದಿನ ರಾಶಿ ಫಲ ಹೇಗಿದೆ ಗೊತ್ತಾ?

ಸೋಮವಾರ, 31 ಡಿಸೆಂಬರ್ 2018 (09:06 IST)
ಬೆಂಗಳೂರು: ಇಂದಿನ  ದಿನದ ದ್ವಾದಶ ರಾಶಿ ಫಲ ಹೀಗಿದೆ ನೋಡಿ.

 
ಮೇಷ: ಕಾರ್ಯ ಕೆಲಸಗಳ ಒತ್ತಡ ಜತೆಗೆ ವಿಘ್ನಗಳೂ ಕಂಡುಬರುತ್ತವೆ. ದೇಹಾಯಾಸವಾದೀತು. ಸಂಸಾರದಲ್ಲಿ ನೆಮ್ಮದಿಯಿರುತ್ತದೆ. ದಿನದಂತ್ಯಕ್ಕೆ ಶುಭ ಸುದ್ದಿಯಿದೆ.

ವೃಷಭ: ಆದಾಯವಿದ್ದಷ್ಟೇ ಖರ್ಚುವೆಚ್ಚಗಳೂ ಇರುತ್ತವೆ. ಆರೋಗ್ಯದ ಬಗ್ಗೆ ಕಾಳಜಿಯಿರಲಿ. ವಿದ್ಯಾರ್ಥಿಗಳಿಗೆ ಪ್ರಯತ್ನಬಲದಿಂದ ಯಶಸ್ಸು. ಸಂಚಾರದಲ್ಲಿ ಎಚ್ಚರಿಕೆ ಅಗತ್ಯ.

ಮಿಥುನ: ಸಾಮಾಜಿಕವಾಗಿ ನಿಮ್ಮ ಸ್ಥಾನ ಮಾನ, ಗೌರವ ಹೆಚ್ಚುತ್ತದೆ. ಹಣಕಾಸಿನ ಮುಗ್ಗಟ್ಟು ಎದುರಿಸಬೇಕಾದೀತು. ಹಾಗಿದ್ದರೂ ನಿಮ್ಮ ಚತುರತೆಯಿಂದ ಅದನ್ನು ನಿಭಾಯಿಸುತ್ತೀರಿ.

ಕರ್ಕಟಕ: ಶತ್ರುಗಳು ಮಾಡಿದ ದ್ರೋಹಗಳನ್ನು ನೆನೆದು ಮನಸ್ಸಿಗೆ ಕಿರಿ ಕಿರಿ ಮಾಡಿಕೊಳ್ಳುವಿರಿ. ಇದರಿಂದ ಕುಟುಂಬದಲ್ಲೂ ನೆಮ್ಮದಿ ಕಳೆದುಕೊಳ‍್ಳುವಿರಿ. ದೇವರ ದರ್ಶನದಿಂದ ನೆಮ್ಮದಿ.

ಸಿಂಹ: ಬಂಧು ಮಿತ್ರರಿಂದ ವಂಚನೆಗೊಳಗಾಗುವ ಸಾಧ್ಯತೆಯಿದೆ. ಮನೋಕ್ಲೇಶ ಉಂಟಾಗಲಿದೆ. ಆದರೆ ಸಂಸಾರದಲ್ಲಿ ಸಂಗಾತಿಯಿಂದ ಸಮಾಧಾನ ಸಿಗಲಿದೆ. ಕುಲದೇವರನ್ನು ಪ್ರಾರ್ಥಿಸಿ.

ಕನ್ಯಾ: ಧನ, ಸಂಪತ್ತು ನಷ್ಟವಾಗುವ ಸಾಧ್ಯತೆಯಿದೆ. ಅಪವಾದಕ್ಕೆ ಗುರಿಯಾಗಬೇಕಾದೀತು. ಸಂಗಾತಿಯಿಂದ ಸುಖ ಸಿಗುವುದು. ಆರೋಗ್ಯದ ಬಗ್ಗೆ ಕಾಳಜಿಯಿರಲಿ.

ತುಲಾ: ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಸಂಸಾರದಲ್ಲಿ ಸಹಕಾರ ಸಿಕ್ಕಿ ನೆಮ್ಮದಿ ಸಿಗಲಿದೆ. ಸಾಮಾಜಿಕ ಕೆಲಸಗಳಿಂದ ಗೌರವ ಸಿಗಲಿದೆ. ವೈಯಕ್ತಿಕ ಖರ್ಚು ಹೆಚ್ಚುವುದು.

ವೃಶ್ಚಿಕ: ಮಕ್ಕಳ ಭವಿಷ್ಯದ ಬಗ್ಗೆ ಚಿಂತಿತರಾಗುವಿರಿ. ಅವರ ವಿಚಾರದಲ್ಲಿ ವಾದ ವಿವಾದ ನಡೆಸಬೇಕಾದೀತು. ವ್ಯವಹಾರದಲ್ಲಿ ಲಾಭ ಗಳಿಸಿದರೂ ಖರ್ಚು ವೆಚ್ಚಗಳೂ ಅಷ್ಟೇ ಇರಲಿವೆ.

ಧನು: ಎಷ್ಟೋ ದಿನದಿಂದ ಬಾಕಿ ಇದ್ದ ಕಾರ್ಯ ಪೂರ್ತಿಗೊಳಿಸುವಿರಿ. ವಾಹನ ಖರೀದಿ ಯೋಗವಿದೆ. ಆದರೆ ಸಂಚಾರದಲ್ಲಿ ಜಾಗ್ರತೆ ಅಗತ್ಯ. ವೃತ್ತಿ ರಂಗದಲ್ಲಿ ಮೇಲಧಿಕಾರಿಗಳ ಕಿರಿ ಕಿರಿ ಇರಲಿದೆ. ಆದರೆ ಮುನ್ನಡೆಯನ್ನೂ ಕಾಣುವಿರಿ.

ಮಕರ:  ಕಾರ್ಯ ಕೆಲಸಗಳಿಗೆ ಕೊಂಚ ವಿಘ್ನಗಳು ಎದುರಾಗಬಹುದು. ವಿಘ್ನ ನಿವಾರಕ ವಿಘ್ನೇಶನ ಪ್ರಾರ್ಥನೆ ಮಾಡಿ. ಕುಟುಂಬದಲ್ಲೂ ಕೊಂಚ ಅಸಮಾಧಾನದ ವಾತಾವರಣವಿರುವುದು. ದೇವರ ಪ್ರಾರ್ಥನೆ ಮಾಡಿ.

ಕುಂಭ: ಮನಸ್ಸಿಗೆ ಕೊಂಚ ಅಸಮಾಧಾನಗಳಿರುವುದು. ಇನ್ನೊಬ್ಬರ ಜತೆ ವಾಗ್ವಾದಕ್ಕಿಳಿಯದೇ ಇರುವುದೇ ಉತ್ತಮ. ವ್ಯವಹಾರಗಳಲ್ಲಿ ಎಚ್ಚರಿಕೆಯಿಂದಿರಿ. ಅತಿಯಾದ ನಂಬಿಕೆ ಒಳ್ಳೆಯದಲ್ಲ.

ಮೀನ: ಎದುರಾಗುವ ಅವಕಾಶಗಳನ್ನು ಉದಾಸೀನ ಮಾಡದೇ ಸದುಪಯೋಗಪಡಿಸಿಕೊಳ್ಳಿ. ಆತಂಕದ ಕ್ಷಣಗಳು ಎದುರಾಗಲಿವೆ. ಅವಿವಾಹಿತರಿಗೆ ಶುಭ ಸುದ್ದಿ ಸಿಗಲಿದೆ. ಕುಲದೇವರ ಪ್ರಾರ್ಥನೆ ಮಾಡಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.

ವೆಬ್ದುನಿಯಾವನ್ನು ಓದಿ

ಮುಂದಿನ ಸುದ್ದಿ ಒಳ್ಳೆಯ ಆರೋಗ್ಯ, ಯಶಸ್ಸಿಗಾಗಿ ತೆಂಗಿನಕಾಯಿಂದ ಹೀಗೆ ಮಾಡಿ