ಜ್ಯೋತಿಷ್ಯ ಪ್ರಕಾರ ತುಲಾ ರಾಶಿಯವರ ಆಹಾರ ಹೇಗಿರಬೇಕು

ಜ್ಯೋತಿಷ್ಯದ ಪ್ರಕಾರ ಆಯಾ ಗ್ರಹಗಳಿಗೆ ಅನುಗುಣವಾಗಿ ಆಹಾರ ಸೇವನೆ ಮಾಡುವುದು ಆರೋಗ್ಯದ ದೃಷ್ಟಿಯಿಂದ ಉತ್ತಮ. ತುಲಾ ರಾಶಿಯವರು ಜ್ಯೋತಿಷ್ಯದ ಪ್ರಕಾರ ಯಾವ ಆಹಾರ ಸೇವಿಸಿದರೆ ಉತ್ತಮ ಇಲ್ಲಿದೆ ವಿವರ.

ತುಲಾ ರಾಶಿಯನ್ನು ಅಳುವ ಗ್ರಹ ಶುಕ್ರ. ಈ ರಾಶಿಯವರಿಗೆ ಕಿಡ್ನಿ, ಸೊಂಟದ ಭಾಗಕ್ಕೆ ಸಂಬಂಧಿಸಿದ ಆರೋಗ್ಯ ಸಮಸ್ಯೆಗಳು ಉಂಟಾದೀತು. ಹೀಗಾಗಿ ಈ ಭಾಗಗಳ ಆರೋಗ್ಯ ವೃದ್ಧಿಯಾಗುವಂತಹ ಆಹಾರ ಸೇವನೆ ಮಾಡಬೇಕು. ಆಹಾರದಲ್ಲಿ ಮಿನರಲ್ಸ್ ಹೆಚ್ಚು ಇರುವ ಆಹಾರ ಸೇವನೆ ಮಾಡಬೇಕು. ಉಳಿದಂತೆ ಯಾವ ತರಕಾರಿ, ಹಣ್ಣು, ಧಾನ್ಯ ಸೂಕ್ತ ತಿಳಿದುಕೊಳ್ಳಿ.

ತರಕಾರಿ: ಹಬೆಯಲ್ಲಿ ಬೇಯಿಸಿದ ತರಕಾರಿಗಳು, ಬಸಳೆ, ಪಾಲಕ್ ಸೊಪ್ಪು, ಟೊಮೆಟೊ, ಬಟಾಣಿ, ಕ್ಯಾರೆಟ್, ಕಾರ್ನ್ ಸೇವನೆ ಮಾಡಬೇಕು.
ಹಣ್ಣು: ಆಪಲ್, ದ್ರಾಕ್ಷಿ, ಸ್ಟ್ರಾಬೆರಿ, ಒಣದ್ರಾಕ್ಷಿ ಸೇವನೆ ಮಾಡಿ.
ಧಾನ್ಯಗಳು: ಓಟ್ಸ್, ಕಂದು ಅಕ್ಕಿ, ಗೋಧಿ ಸೇವಿಸಿ

ಈ ರಾಶಿಯವರು ಸಂಸ್ಕರಿತ ಆಹಾರಗಳು, ಹೆಚ್ಚು ಜಿಡ್ಡು ಇರುವ ಆಹಾರ ಪದಾರ್ಥಗಳು, ಮದ್ಯಪಾನ, ಅತಿಯಾದ ಉಪ್ಪಿನಂಶದ ಆಹಾರ ಸೇವನೆ ಅವಾಯ್ಡ್ ಮಾಡುವುದು ಉತ್ತಮ. ಹೆಚ್ಚು ನೀರಿನಂಶ ಸೇವನೆ ಮಾಡುವುದು ಉತ್ತಮ.