ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಈ ವಾರದ ಲಕ್ಷುರಿ ಬಜೆಟ್ ಟಾಸ್ಕ್ ನಲ್ಲಿ ಸಾಕಷ್ಟು ಬದಲಾವಣೆಯಾಗಿದೆ. ಟಾಸ್ಕ್ ಈ ವಾರ ಜನಕ್ಕೆ ಬೋರ್ ಎನಿಸಿತ್ತು. ಆದರೆ ಸ್ಪರ್ಧಿಗಳ ಜನಪ್ರಿಯತೆಯಲ್ಲಿ ಗಮನಾರ್ಹ ಬದಲಾವಣೆಯಾಗಿದೆ.
ಈ ವಾರ ಕ್ಯಾಪ್ಟನ್ ಆಗಿ ಆಯ್ಕೆಯಾದ ಶೈನ್ ಶೆಟ್ಟಿ ಟಾಸ್ಕ್ ಸಂದರ್ಭದಲ್ಲಿ ಪೊಲೀಸ್ ಅಧಿಕಾರಿ ಪಾತ್ರ ಮಾಡಿದ್ದರು. ಅವರ ಕಾರ್ಯವೈಖರಿ ಜನರಿಗೆ ಮೆಚ್ಚುಗೆಯಾಗಿದ್ದು, ಈ ವಾರ ಹೆಚ್ಚು ಜನಪ್ರಿಯತೆ ಗಳಿಸಿದ್ದಾರೆ. ಆದರೆ ಅತ್ತ ಇದುವರೆಗೆ ವೀಕ್ಷಕರ ಫೇವರಿಟ್ ಆಗಿದ್ದ ವಾಸುಕಿ ವೈಭವ್ ಈ ವಾರ ಕೊಂಚ ಓವರ್ ಆಕ್ಟಿಂಗ್ ಮಾಡಿದರು ಎಂದು ವೀಕ್ಷಕರ ಬೇಸರಕ್ಕೆ ಕಾರಣವಾಗಿದೆ.
ಇದರ ನಡುವೆ ಇಂದು ಮತ್ತೆ ನಾಳೆ ಎಲಿಮಿನೇಷನ್ ಪ್ರಕ್ರಿಯೆ ನಡೆಯಲಿದ್ದು, ಈ ವಾರ ಮನೆಯಿಂದ ಯಾರು ಹೊರಹೋಗಬಹುದು ಎಂಬ ಲೆಕ್ಕಾಚಾರ ನಡೆದಿದೆ. ಈ ವಾರ ಹೊರ ಹೋಗಲು ಕುರಿ ಪ್ರತಾಪ್, ಸುಜಾತ, ಚಂದನ್ ಆಚಾರ್, ದೀಪಿಕಾ ದಾಸ್ ಮತ್ತು ಕಿಶನ್ ನಾಮಿನೇಟ್ ಆಗಿದ್ದಾರೆ. ಇವರ ಪೈಕಿ ಸುಜಾತ ಅಥವಾ ದೀಪಿಕಾ ದಾಸ್ ಮೇಲೆ ಅಪಾಯದ ತೂಗುಗತ್ತಿಯಿದೆ. ಭಾನುವಾರ ಎಲಿಮಿನೇಷನ್ ಆದವರು ಯಾರು ಎಂಬುದು ಸ್ಪಷ್ಟವಾಗಿ ಗೊತ್ತಾಗಲಿದೆ.