ಗಣನಾಯಕ ಸ್ತೋತ್ರಮ್

ಏಕದಂತಂ ಮಹಾಕಾಯಂ ತಪ್ತಕಾಂಚನ ಸನ್ನಿಭಂ
ಲಂಬೋದರಂ ವಿಶಾಲಾಕ್ಷಂ ವಂದೇಹಂ ಗಣನಾಯಕಮ್

ಮೌಂಜೀ ಕೃಷ್ಣಾಜಿನಧರಂ ನಾಗಯಜ್ಞೋಪವೀತಿನಂ
ಬಾಲೇಂದುಕುಶಲಂ ಮೌಲೌ ವಂದೇಹಂ ಗಣನಾಯಕಮ್

ಚಿತ್ರರತ್ನವಿಚಿತ್ರಾಂಗಂ ಚಿತ್ರಮಾಲಾವಿಭೂಷಿತಂ
ಕಾಮರೂಪಧರಂ ದೇವಂ ವಂದೇಹಂ ಗಣನಾಯಕಮ್

ಗಜವಕ್ತ್ರಂ ಸುರಶ್ರೇಷ್ಠಂ ಕರ್ಣಚಾಮರಭೂಷಿತಂ
ಪಾಶಾಂಕುಶಧರಂ ದೇವಂ ವಂದೇಹಂ ಗಣನಾಯಕಮ್

ಮೂಷಕೋತ್ತಮಮಾರುಹ್ಯ ದೇವಾಸುರ ಮಹಾಹವೇ
ಯೋದ್ಧಕಾಮಂ ಮಹಾವೀರ್ಯಂ ವಂದೇಹಂ ಗಣನಾಯಕಮ್

ಯಕ್ಷಕಿನ್ನರಗಂಧರ್ವಸಿದ್ಧವಿದ್ಯಾಧರೈಃಸದಾ
ಸ್ತೂಯಮಾನಂ ಮಹಾಬಾಹುಂ ವಂದೇಹಂ ಗಣನಾಯಕಮ್

ಅಂಬಿಕಾ ಹೃದಯಾನಂದಂ ಮಾತೃಭಿಃ ಪರಿವೇಷ್ಟಿತಂ
ಭಕ್ತಪ್ರಿಯಮದೋನ್ಮತ್ತಮ್ ವಂದೇಹಂ ಗಣನಾಯಕಮ್

ಸರ್ವವಿಘ್ನ ಹರಂ ದೇವಂ ಸರ್ವದೋಷ ವಿವರ್ಜಿತಂ
ಸರ್ವಸಿದ್ಧಿ ಪ್ರದಾತಾರಂ ವಂದೇಹಂ ಗಣನಾಯಕಮ್

ಗಣೇಶಾಷ್ಟಕಮಿದಂ ಪುಣ್ಯಂ ಯಃಪಠೇತ್ ಸತತಂ ನರಃ
ಸಿಧ್ಯಂತಿ ಸರ್ವಕಾರ್ಯಾಣಿ ವಿದ್ಯಾವಾನ್ ಧನವಾನ್ ಲಭೇತ್