ಅಕ್ಕಿ ಚಕ್ಕುಲಿ

ಸಾಮಾಗ್ರಿ:
ಅಕ್ಕಿ ಹುಡಿ- 340 ಗ್ರಾಂ
ಕಡಲೆ ಬೇಳೆ ಹುಡಿ -120 ಗ್ರಾಂ
ಎಳ್ಳು -1 ಟೀ ಚಮಚ
ಮೆಣಸಿನ ಹುಡಿ- 3 ಟೀ ಚಮಚ
ಇಂಗು- 1/2 ಟೇಬಲ್ ಚಮಚ
ಎಣ್ಣೆ -ಹುರಿಯಲು ಬೇಕಾಗುವಷ್ಟು
ಉಪ್ಪು- ರುಚಿಗೆ ತಕ್ಕಷ್ಟು

ವಿಧಾನ:
ಅಕ್ಕಿ ಹುಡಿ, ಕಡಲೆ ಬೇಳೆ ಹುಡಿಯನ್ನು ಚೆನ್ನಾಗಿ ಕಲಸಿ, ಅದಕ್ಕೆ ಮೆಣಸಿನ ಹುಡಿ, ಇಂಗು ಮತ್ತು ಉಪ್ಪನ್ನು ಸೇರಿಸಿ. ಎಳ್ಳು ಕಾಳನ್ನು ತೊಳೆದು ಈ ಮಿಶ್ರಣದೊಂದಿಗೆ ಬೆರೆಸಿ. ಸ್ವಲ್ಪ ನೀರು ಸೇರಿಸಿ ಹಿಟ್ಟನ್ನು ಮೃದುವಾಗಿ ಅಂಟು ಬರುವಂತೆ ಮಾಡಿ. ಸ್ವಲ್ಪ ಸ್ವಲ್ಪ ಹಿಟ್ಟನ್ನು ಚಕ್ಕುಲಿಯ ಎರಕದ ಅಚ್ಚು ಬಳಸಿ, ನಿಧಾನವಾಗಿ ಬಾಣಲೆಯಲ್ಲಿರುವ ಕುದಿಯುವ ಎಣ್ಣೆಗೆ ಹಾಕುತ್ತಿರಿ. ಚಕ್ಕುಲಿ ಕಂದು ಬಣ್ಣಕ್ಕೆ ತಿರುಗಿದ ನಂತರ ಹೊರತೆಗೆಯಿರಿ.

ತಯಾರಿಸಲು ಬೇಕಾಗುವ ಸಮಯ: 20-25 ನಿಮಿಷಗಳು

-ರಶ್ಮಿ ಪೈ