ಜಾತಕ

ವೃಶ್ಚಿಕರಾಶಿ:- ಭಾಗ್ಯಸ್ಥಾನದ ಗುರುವಿನಿಂದ ದೈವಬಲವಿದ್ದು ಮನೋನಿಶ್ಚಿತ ಕೆಲಸಗಳು ನಿರ್ವಿಘ್ನವಾಗಿ ನಡೆಯುವುದು. ವಿವಾಹಾದಿ ಶುಭ ಸಮಾರಂಭಗಳು ನಡೆಯುವುದು. ಉದ್ಯೋಗ ವ್ಯವಹಾರದಲ್ಲಿ ಕೆಲವು ಅನುಕೂಲಗಳು ಉಂಟಾಗುವುದು. ಆರ್ಥಿಕವಾಗಿ ಉತ್ತಮ ಅಭಿವೃದ್ಧಿಯಿದೆ. ಮನೆಯಲ್ಲಿ ಶಾಂತಿ, ಸುಖಸಂತೋಷ ಲಭಿಸುವುದು. ಉಳಿದಂತೆ ಪಂಚಮಸ್ಥಾನದ ಶನಿ, ಅನಿಷ್ಟಸ್ಥಾನಸ್ಥಿತ ರಾಹುಕೇತುಗಳು, ವರ್ಷದ ಉತ್ತರಾರ್ಧದಲ್ಲಿ ಮೂರು ತಿಂಗಳು ಕರ್ಮಸ್ಥಾನದ ಗುರು, ಕೆಲಸ ಕಾರ್ಯಗಳಲ್ಲಿ ವಿವಿಧರೀತಿಯ ಅಡಚಣೆಗಳೆದುರಾಗಿ ನಿರೀಕ್ಷಿತ ಫಲ ಸಿಗದು. ಸ್ಥಾನಮಾನಾದಿ ಹಾನಿ, ಧನಹಾನಿ, ಅಶುಭಗಳ ಅನುಭವ,ಸಂತಾನಸಂಬಂಧ ದುಃಖ, ಸಹನೆ ಕಳೆದುಕೊಳ್ಳದೆ ಸ್ವಸಾಮರ್ಥ್ಯದಲ್ಲಿ ಭರವಸೆಯಿಡಿ. ಸ್ಥಾನಮಾನ ಹಾಗೂ ಉದ್ಯೋಗ ವಿಸ್ತಾರವು ಈ ಕಾಲದಲ್ಲಿ ಸಂಭವಿಸುವುದು. ಮಾತಾಪಿತರು, ಗುರುಹಿರಿಯರ ಕುರಿತು ವಿಶೇಷ ಜಾಗ್ರತೆ ವಹಿಸಿ. ವಹಿಸಿ. "ಸುತಧನಪರಿಹೀನಃ ಪಂಚಮಸ್ಥ ಪ್ರಚುರ ಕಲಹಯುಕ್ತಶ್ಚಾರ್ಕಪುತೇ" ಶನಿಯು ಜನ್ಮರಾಶಿಯಿಂದ ಐದನೇರಾಶಿಯಲ್ಲಿ ಸಂಚರಿಸುವೆಕಾಲದಲ್ಲಿ ಸ್ವಜನರಲ್ಲಿ ವೈಮನಸ್ಸುಂಟಾಗುವುದು. ಇದು ವಿದ್ಯಾಭ್ಯಾಸ ಕುಂಠಿತಗೊಳ್ಳುವುದು. ಮಕ್ಕಳಿಗೂ ಉತ್ತಮ ಕಾಲವಲ್ಲ. ವ್ಯವಹಾರಗಳಲ್ಲಿ ಕೆಲವೊಂದು ಹಿನ್ನಡೆ ಉಂಟಾಗುವ ಸಾಧ್ಯತೆ ಇದೆ. ಮಕ್ಕಳ ವಿಚಾರವಾಗಿ ಸಮಸ್ಯೆಗಳು ತೋರುವುದು. ಶನಿಶಾಂತಿ, ಶನಿ-ರಾಹು-ಕೇತುಗಳ ಪ್ರೀತ್ಯರ್ಥ ಯಥಾಶಕ್ತಿ ದೇವತಾಸೇವೆಗಳಿಂದ ಶುಭ. ಮನಃಕ್ಷೇಶ, ಶತ್ರುಬಾಧೆ, ಹೃದಯಸಂಬಂಧೀ ಜಾಡ್ಯಗಳು, ಕಾರ್ಯಭಂಗ, ಪಿತ್ತೋಷ್ಣಬಾಧೆ ಇತ್ಯಾದಿಗಳಿರುತ್ತವೆ. ಮೇ 15 ರವರೆಗೆ ಶಾರೀರಿಕ ಆರೋಗ್ಯವು ಸುಧಾರಿಸುವುದು. ಮನೆಯಲ್ಲಿ ಸೌಕರ್ಯಗಳು ಉಂಟಾಗುವುದು. ಬಂಧುವೊಬ್ಬರಿಂದ ಸಹಕಾರ ಸಿಗುವುದು. ಆತ್ಮಸ್ಥೆರ್ಯ ವೃದ್ಧಿಸುವುದು. ಮುಂದೆ ಜೂನ್ 20 ರವರೆಗೂ ದೇಹಾರೋಗ್ಯದಲ್ಲಿ ಸುಧಾರಣೆಯಾಗುವುದು. ಹಲವು ಸಮಯದಿಂದ ಇದ್ದ ಸಮಸ್ಯೆಗೆ ಪರಿಹಾರ ಸಿಗುವುದು. ಮಾತಿನಲ್ಲಿ ವಿವಾದಗಳು ಉಂಟಾದೀತು. ಶತ್ರುಭಯಕಲಹಾದಿಗಳಿಂದ ಮುಕ್ತಿ, ಧಾತುದ್ರವ್ಯಗಳ ವ್ಯವಹಾರದಿಂದ ಲಾಭ, ಗೃಹಸೌಕರ್ಯ ಪ್ರಾಪ್ತಿ, ಬಂಧುಸಹಾಯ, ಇತ್ಯಾದಿಫಲಗಳು ಪ್ರಾಪ್ತವಾಗುವವು. ಆದರೂ ಬೇರೊಂದೆಡೆಯಿಂದ ಕೌಟುಂಬಿಕ ಭಿನ್ನಾಭಿಪ್ರಾಯ-ವಿರಸ ಉಂಟಾದೀತು. ಅಸಹನೆ-ದುರಾಸೆ ಹೆಚ್ಚುವುದು. ಉಬ್ಬಸ ಇತ್ಯಾದಿ ಉಸಿರಾಟದ ತೊಂದರೆಗಳು, ರಾಜಭಯ, ದುಃಖ, ಹಣದ ವ್ಯವಹಾರದಲ್ಲಿ ವಿರೋಧ ಫಲ ಇತ್ಯಾದಿಗಳು ಅಗೋಸ್ತು 17 ರವರೆಗೂ ಅನುಭವಕ್ಕೆ ಬರುವವು. ಮುಂದೆ ಒಕ್ಟೋಬರವರೆಗೆ ಕೆಲವೊಂದು ಕಾರ್ಯಗಳಲ್ಲಿ ವಿಘ್ನಗಳೆದುರಾದರೂ ಮುಂದೆ ಉತ್ತಮವಿದ್ದು ಧನಮಾನಾದಿಲಾಭ, ಅಧಿಕಾರ ಪ್ರಾಪ್ತಿ, ಅಧಿಕಾರಿ ಜನರ ಸಹಕಾರ, ಸ್ಥರಾಸ್ತಿ ಸಂಬಂಧ ವ್ಯವಹಾರಗಳಲ್ಲಿ ಜಯಲಾಭಾದಿಗಳು ಪ್ರಾಪ್ತವಾಗುವವು. ಕಷ್ಟಫಲಗಳು ಬಹುತರವಾಗಿ ಬಂದೊದಗುವವು. ಕೈಯಿಕ್ಕಿದ ಕಾರ್ಯಗಳಾವುವೂ ಕೈಗೂಡವು. ಮುಂದೆ ಪರಿಸ್ಥಿತಿ ಉತ್ತಮಗೊಂಡು ಮನಸ್ಸಿಗೆ ಉತ್ಸಾಹ, ಭೂಸಂಬಂಧ ಹಾಗೂ ರಾಜಕೀಯಸಂಬಂಧ ವ್ಯವಹಾರಗಳಲ್ಲಿ ಜಯಲಾಭಗಳು ಪ್ರಾಪ್ತವಾಗುವವು. ವರ್ಷಾಂತ್ಯದವರೆಗೂ ಪಿತ್ತೋಷ್ಣ ಪ್ರಕೋಪ, ಧನಹಾನಿ, ಶತ್ರುಪೀಡೆ, ಕಾರ್ಯಭಂಗ, ಗೃಹಸುಖಹಾನಿ ಇತ್ಯಾದಿ ಪ್ರಾಪ್ತವಾಗುವವು.