ಜಾತಕ

ತುಲಾರಾಶಿ:- ಈ ವರ್ಷ ದೈವಬಲ ಕಡಿಮೆ. ಜನ್ಮರಾಶಿಯಿಂದ ದಶಮದ ಗುರು, ಚತುರ್ಥ-ಪಂಚಮಗಳ ರಾಹು. ಆರ್ಥಿಕವಾಗಿಯೂ ವ್ಯಾವಹಾರಿಕವಾಗಿಯೂ ಕಷ್ಟನಷ್ಟಗಳು ಅಧಿಕ. ಸ್ಥಾನಮಾನಾದಿ ಹಾನಿ, ಧನಹಾನಿ, ಅಶುಭಗಳ ಅನುಭವ, ಸಂತಾನ ಸಂಬಂಧ ದುಃಖ, ಮಾತಿನಲ್ಲಿ ಹಾಗೂ ಚಟುವಟಿಕೆಯಲ್ಲಿ ವ್ಯತ್ಯಾಸಗಳು ತೋರುವುದು. ಮಕ್ಕಳ ವಿದ್ಯಾಭ್ಯಾಸದಲ್ಲಿ ವಿಶೇಷ ಪ್ರಯತ್ನ ಅಗತ್ಯ ಭೂಮಿ ಗೃಹ ವಾಹನಾದಿ ವ್ಯವಹಾರಗಳಲ್ಲಿ ಪ್ರತಿಕೂಲಫಲ. ಕುಟುಂಬದ ಹಿರಿಯ ವ್ಯಕ್ತಿಗಳ ಕುರಿತು ವಿಶೇಷ ಎಚ್ಚರಿಕೆ ಅಗತ್ಯ ಋಣಾತ್ಮಕ ಭಾವನೆ ಹಾಗೂ ಚಿಂತೆಗಳು ಉಂಟಾಗುವುದು. ಪುಣ್ಯಕಾರ್ಯಗಳಲ್ಲಿ ವಿಘ್ನಗಳು ತೋರುವುದು. ಕಾರ್ಯವಿಘ್ನ, ಮನಸ್ಸಿಗೆ ಅಶಾಂತಿ ಹಾಗೂ ಜಾಡ್ಯತೆ ಉಂಟಾಗುವುದು. ಷಷ್ಯದ ಶನಿ, ಲಾಭಸ್ಥಾನದ ಕೇತು, ವರ್ಷದ ಉತ್ತರಾರ್ಧದಲ್ಲಿ ಮೂರು ತಿಂಗಳು ಲಾಭಸ್ಥಾನದ ಗುರುವೂ ಕೆಲವೊಂದು ಅನುಕೂಲಗಳನ್ನು ಉಂಟಮಾಡುವರು. ಕೌಟುಂಬಿಕ ಸುಖ ಅನುಭವಿಸುವಿರಿ. ಕಾರ್ಯಗಳು ಪ್ರಗತಿಯನ್ನು ಹೊಂದುವುದು. ವಿರೋಧಿಗಳನ್ನು ಸಮರ್ಥವಾಗಿ ಎದುರಿಸುವಿರಿ. ಮಕ್ಕಳಿಂದ ಹಾಗೂ ಕೆಲಸಗಾರರಿಂದ ಅನುಕೂಲ ಹಾಗೂ ಲಾಭ ಹೊಂದುವಿರಿ. ಸ್ಥಾನಮಾನಾದಿ ಪ್ರಾಪ್ತಿ, ಸಂತಾನಪ್ರಾಪ್ತಿ, ವಿವಿಧಮೂಲಗಳಿಂದ ಧನಪ್ರಾಪ್ತಿ, ಆರ್ಥಿಕವಾಗಿಯೂ ಉತ್ತಮ ಪ್ರಗತಿಯಾಗುವುದು. ವಿಷ್ಣುಸೇವೆ, ಸುಬ್ರಹ್ಮಣ್ಯಸೇವೆ ಯಥಾಶಕ್ತಿ ನಡೆಸುವುದರಿಂದ ಶುಭ. ಕಾರ್ಯಸಿದ್ದಿ, ಶಾರೀರಿಕ ಆರೋಗ್ಯವು ಈ ಸಮಯದಲ್ಲಿ ಸುಧಾರಿಸುವುದು. ಮನೆಯಲ್ಲಿ ಸೌಕರ್ಯಗಳು ಉಂಟಾಗುವುದು, ಶತ್ರುಭಯ ಕಲಹಾದಿಗಳಿಂದ ಮುಕ್ತಿ, ಆತ್ಮಸ್ಥೆರ್ಯ ಆತ್ಮಸ್ಥೆರ್ಯ ವೃದ್ಧಿಸುವುದು. ಮುಂದೆ ಜುಲಾಯಿ 16 ರವರೆಗಿನ ಎರಡು ತಿಂಗಳು ಕಷ್ಟ ಕ್ಷೇಶಗಳು ಬಹುತರವಾಗಿ ಕಾಣಿಸಿಕೊಳ್ಳುವವು. ಸ್ವಜನ ವಿರೋಧ, ಅಧಿಕಾರಿ ವರ್ಗದವರ ಪೀಡೆ, ಹಿರಿಯರಲ್ಲಿ ಮನಸ್ತಾಪ, ಧರ್ಮಬಾಹಿರ ಕಾರ್ಯಗಳಲ್ಲಿ ಆಸಕ್ತಿ ಇತ್ಯಾದಿ ಉಂಟಾಗುವವು. ಕೌಟುಂಬಿಕವಾಗಿಯೂ ಕಹಿ ಅನುಭವಗಳು, ದೈಹಿಕ ವಿಪದಾಪತ್ರುಗಳ ಸಂಭವವಿದೆ. ಮುಂದೆ ನವಂಬರ ರವರೆಗೆ ವ್ಯವಹಾರಗಳಲ್ಲಿ ಜಯಲಾಭಗಳು, ಕಾರ್ಯಸಿದ್ದಿ, ಇಷ್ಟವಸ್ತುಪ್ರಾಪ್ತಿ, ಸ್ಥಾನಮಾನಾದ್ಯುತ್ಕರ್ಷೆ, ವಿವಿಧ ಮೂಲಗಳಿಂದ ಧನ ಪ್ರಾಪ್ತಿ, ಆರೋಗ್ಯವೃದ್ಧಿ. ಭೂವ್ಯವಹಾರಗಳಲ್ಲಿ ಜಯ ಇತ್ಯಾದಿ ಸಿದ್ಧಿಸುವವು. ಈ ಮಧ್ಯೆ ಕೆಲವೊಂದು ಕಾರ್ಯವಿಘ್ನಗಳೂ ಕಷ್ಟಗಳೂ ಎದುರಾಗುವವು. ಮುಂದೆ ದಶಂಬರ ರವರೆಗೆ ಧನವ್ಯಯ, ಚೋರಾಗ್ನಿ ಬಾಧೆ, ಗೃಹಕಲಹ, ಕೃಷಿ ನಷ್ಟ ಇತ್ಯಾದಿ ಎದುರಾಗುವವು. ವ್ಯವಹಾರಗಳಲ್ಲಿ ಜಯಲಾಭಗಳಿದ್ದರೂ ಶಾರೀರಿಕ ಮಾನಸಿಕ ಕ್ಷೇಶಗಳಿರುತ್ತವೆ. ಒಳ್ಳೆಯ ಜನರೊಡನೆ ನಿಷ್ಠುರ, ದುರ್ಜನರ ಬಲೆಗೆ ಸಿಕ್ಕಿ ತೊಂದರೆಗೊಳ್ಳುವುದು, ಗುರುಜನರ ವಿರೋಧ, ದುಷ್ಟ ಪ್ರವೃತ್ತಿ, ಸಕಲ ಕಾರ್ಯಗಳಲ್ಲಿ ವೈಫಲ್ಯ, ಜ್ವರರೋಗಾದಿಗಳು, ಕಲಹದಿಂದ-ಶತ್ರುಕೃತ ದೋಶದಿಂದ ರಾಜೋಪದ್ರವ, ದ್ರವ, ಬುದ್ದಿಯ ಅಸ್ಥಿರತೆ, ವಂಚನೆ, ನೇತ್ರಬಾಧೆ ಇತ್ಯಾದಿಕಾಣಿಸೀತು. ಆದರೂ ಈ ಮಧ್ಯೆ ಕೆಲವೊಂದು ನಿಶ್ಚಿತ ಕಾರ್ಯಗಳು ನಡೆಯುವುದಲ್ಲದೆ ಭೂಸೆಂಬಂಧವಾದ ವ್ಯವಹಾರಗಳು ಸುಲಭವಾಗಿ ನಡೆಯಬಹುದು. ಉತ್ತಮ ಸ್ಥಾನಮಾನಾದಿಗಳು ದೊರಕುವುದು. ಆರೋಗ್ಯ ವೃದ್ಧಿಸುವುದು.