ಕರ್ಕಟರಾಶಿ:-ಗುರುವು ಜನ್ಮ-ದ್ವಿತೀಯಗಳಲ್ಲೂ ಶನಿಯು ನವಮದಲ್ಲೂ, ರಾಹುವು ಸಪ್ತಮಾಷ್ಟಮಗಳಲ್ಲೂ ಸಂಚರಿಸುವರಾಗಿ ಗುಣದೋಷಗಳಿಂದ ಕೂಡಿದ ಮಿಶ್ರಫಲಗಳನ್ನನುಭವಿಸುವಿರಿ. 'ಸ್ಥಾನಭ್ರಂಶಧನಕ್ಷಯೌಕಲಹಧೀಜಾಡ್ಯಗುರೌಜನ್ಮಗೇ' ಎಂಬಂತೆ ಧನವ್ಯಯ ಉಂಟಾಗಬಹುದು. ಸ್ಥಾನಮಾನಗಳಿಗೆ ಹಾನಿ, ಬುದ್ದಿಯ ಅಸ್ಥಿರತೆ, ಕಲಹ ಇತ್ಯಾದಿಗಳೊಂದಿಗೆ ಪರಸ್ಥಳ ಸಂಚಾರಾದಿ ಫಲಗಳೂ ಉಂಟಾಗುವುದು. ನವಮದ ಶನಿಯಿಂದ ಮನೆಸ್ಸಿಗೆ ನೆಮ್ಮದಿ ಕಡಿಮೆಯಾಗುವುದು. ಮಾನಸಿಕ ಅಶಾಂತಿ, ಶತ್ರುಪೀಡೆ, ಸ್ತ್ರೀಸುಖಗೃಹಸುಖಾದಿ ಹಾನಿ, ರೋಗಭಯ ಇತ್ಯಾದಿ ಕಾಣಿಸುವದು. ಶರೀರ ಹಾಗೂ ಮನಸ್ಸಿಗೆ ಬಗ್ಗೆ ಜಾಗ್ರತೆ ವಹಿಸಬೇಕು. ಅನ್ಯರಿಂದ ಮನಕೇಶ ತೊಂದರೆಗಳು, ಗುಹ್ಯವ್ಯಾಧಿಯ ಬಗ್ಗೆ ವಾಹನ, ವಿದ್ಯುತ್ತಿನ ಉಪಕರಣಗಳಲ್ಲಿ ಎಚ್ಚರಿಕೆ ವಹಿಸಬೇಕು. ಆರ್ಥಿಕ ಸಂಕಷ್ಟ, ಮಿಥ್ಯಾಪವಾದ ಎದುರಾಗುವದು. ಪತ್ನಿಯ ಆರೋಗ್ಯದಲ್ಲೂ ವ್ಯತ್ಯಯ ತೋರುವುದು. ರಾತ್ರಿ ಸಂಚಾರ ಉತ್ತಮವಲ್ಲ. ನವಂಬರ 1 ರನಂತರ ಮೂರು ತಿಂಗಳು ದೈವಬಲವೊದಗಿ ಉದ್ಯೋಗ ವ್ಯವಹಾರದಲ್ಲಿ ಕೆಲವು ಅನುಕೂಲ ಉಂಟಾಗುವುದು. ಮಕ್ಕಳಿಗೂ ಅನುಕೂಲವುಂಟಾಗುವುದು. ಆದಾಯವು ಹೆಚ್ಚುವುದು. ಶುಭಶೋಭನಾದಿ ಮಂಗಲಕಾರ್ಯಗಳು, ಕುಟುಂಬಾಭಿವೃದ್ಧಿ ನಡೆಯುವವು. ಗುರು-ಶನಿ-ರಾಹು ಪ್ರೀತ್ಯರ್ಥ ಯಥಾಶಕ್ತಿ ದೇವತಾರಾಧನೆ ನಡೆಸುವುದರಿಂದೆ ಶುಭ. ಆಪತ್ತು, ರೋಗಪೀಡೆ, ಕಾರ್ಯವಿಘ್ನ, ಹಣದ ವ್ಯವಹಾರದಲ್ಲಿ ವಿರೋಧ ಫಲ ಕಾಣಿಸೀತು. ಮುಂದೆ ಜೂನ್ 15 ರವರೆಗೆ ಸಕಲ ಕಾರ್ಯಸಿದ್ದಿ, ಸ್ಥಾನಮಾನಾದ್ಭುತ್ಕರ್ಷ, ಭೂಲಾಭ, ಆರೋಗ್ಯವೃದ್ಧಿ, ವಿವಿಧಮೂಲಗಳಿಂದ ಧನಪ್ರಾಪ್ತಿ ಇತ್ಯಾದಿ ಉತ್ತಮ ಫಲಗಳೆರುತ್ತವೆ. ಮುಂದೆ ಅಗೋಸ್ತು ವರೆಗೂ ಈ ಶುಭಫಲಗಳೇ ಇದು ಇತರರಿಂದಲೂ ಅನುಕೂಲಗಳು ಉಂಟಾಗುವುದು. ಭೂಸಂಬಂಧವಾದ ವ್ಯವಹಾರಗಳು ಸುಲಭವಾಗಿ ನಡೆಯಬಹುದು. ಉತ್ತಮ ಸ್ಥಾನಮಾನಾದಿಗಳು ದೊರಕುವುದು. ಈ ಮಧ್ಯೆ ಕೆಲವೊಂದು ಕಾರ್ಯವೈಫಲ್ಯ, ಬಂಧುವಿರೋಧ, ಜ್ವರರೋಗಾದಿಗಳು, ದೇಹಾಯಾಸ, ಕೋಪವೃದ್ಧಿ, ಧನಹಾನಿ, ದೈಹಿಕ ಆಘಾತ, ಸ್ವಜನವಿರಹ, ಉಷ್ಣಪ್ರಕೋಪ ಇತ್ಯಾದಿಗಳು ಸಪ್ಟಂಬರ 17 ರವರೆಗೂ ಕಾಣಿಸಿಕೊಳ್ಳಬಹುದು. ಕಾಣಿಸಿಕೊಳ್ಳಬಹುದು. ಮುಂದೆ ಒಕ್ಟೋಬರ 17 ರವರೆಗೆ ಸ್ಥಾನಪ್ರಾಪ್ತಿ, ಗೃಹಲಾಭ, ಧನಲಾಭ, ಸಂತೋಷ, ಶತ್ರುನಾಶ ಇತ್ಯಾದಿ ಪ್ರಾಪ್ತವಾಗುವವು. ಮುಂದೆ ದಶಂಬರ ರವರೆಗೆ ಕೌಟುಂಬಿಕ ಸಾಮರಸ್ಯದ ಕೊರತೆ ಕಾಣಿಸೀತು. ಮಕ್ಕಳಿಂದ ಮತ್ತು ಅಧೀನ ನೌಕರರಿಂದ ಅಡಚಣೆಗಳು ಎದುರಾದೀತು. ಮಕ್ಕಳಿಂದ ಶುಭಫಲವೂ ಇದೆ. ಆರೋಗ್ಯವು ವೃದ್ಧಿಸುವುದು. ಆರೋಗ್ಯ ಸುಧಾರಿಸುವುದು. ಗೃಹಸೌಕರ್ಯಗಳು ಉಂಟಾಗುವವು. ಬಂಧುವೊಬ್ಬರಿಂದ ಸಹಕಾರ ಸಿಗುವುದು. ಆತ್ಮಸ್ಥೆರ್ಯ ವೃದ್ಧಿಸುವುದು. ಮುಂದೆ ವರ್ಷಾಂತ್ಯದ ವರೆಗೂ ಕಷ್ಟನಷ್ಟಗಳು ಅಧಿಕ. ಕೆಟ್ಟಜನರ ಸಂಸರ್ಗದಿಂದ ಅಶುಭಫಲ, ಭೂಗೃಹಾದಿ ವ್ಯವಹಾರಗಳಲ್ಲಿ ಹಾನಿ, ಉದರರೋಗ, ಉಬ್ಬಸ, ಉಸಿರಾಟದ ತೊಂದರೆಗಳು ಇತ್ಯಾದಿ ಪ್ರಾಪ್ತವಾಗುವವು.