ನಾಳೆ ನಿಗದಿಯಾಗುತ್ತಾ ಓಲಾ, ಉಬರ್ ಆಟೋ ದರ?

ಬೆಂಗಳೂರು : ಸೋಮವಾರ ಒಲಾ ಉಬರ್ ದರ ಸಮರ ಕ್ಲೈಮಾಕ್ಸ್ ಹಂತಕ್ಕೆ ಬರಲಿದೆ. ಹೈಕೋರ್ಟ್ ಚಾಟಿಯೇಟಿನಿಂದ ಅಲರ್ಟ್ ಆದ ಸಾರಿಗೆ ಇಲಾಖೆ ದರ ಫಿಕ್ಸ್ ಮಾಡಲು ಆಟೋಚಾಲಕರಿಗೂ ಬಹಿರಂಗ ಆಹ್ವಾನ ನೀಡಿದೆ.

ಇದೀಗ ಸೋಮವಾರ ನಡೆಯುವ ಒಲಾ ಉಬರ್ ಸಭೆ ತೀವ್ರ ಕುತೂಹಲ ಕೆರಳಿಸಿದೆ. ಒಲಾ ಉಬರ್ ಆಟೋ ದರದ ಹಗ್ಗಜಗ್ಗಾಟ ನಾಳೆ ಫೈನಲ್ ಆಗುವ ಸಾಧ್ಯತೆ ಇದೆ.

ದರ ನಿಗದಿಯ ಬಗ್ಗೆ ಹೈಕೋರ್ಟ್ ಮತ್ತೆ ಚಾಟಿಬೀಸಿದ ಬಳಿಕ ಸಾರಿಗೆ ಇಲಾಖೆ ಈ ಬಾರಿ ಕೇವಲ ಆಪ್ ಕಂಪನಿಗಳ ಜೊತೆ ಮಾತ್ರ ಸಭೆ ಕರೆಯದೇ ಆಟೋ ಚಾಲಕರ ಸಂಘದ ಜೊತೆಗೆ ನಾಳೆ ಮಹತ್ತರ ಸಭೆ ನಡೆಸುತ್ತಿದೆ.